İngiltərənin 10 ən vahiməli və kabuslu qəsri

Ən vahiməli qəsr kimi Derbyshire-dəki Bolsover qəsri sayılıb. Deyilənə görə, həmin qəsrdə qonaqların əlindən hiss edilmədən tutan oğlan kabusu peydə olur.

Qədim məzarlığın başında ucalan həmin qəsri, İngiltərədə tarixi bina və abidələrə nəzarət edən "İngiltərə irsi" qeyri-hökümət fondunun əməkdaşları ölkənin ən vahiməli qəsri sayıb.

Sorğuda fondun 1800 əməkdaşı iştirak edib.

Bolsover qəsrinin əməkdaşları qəsrdə vahimə yaradan hallar kimi qəribə addım səsləri, səbəbsiz qapı çırpılmaları səsi, haradansa gələn zəif danışıq və hətta qışqırıq səsi, qəribə şövqlənmə və bütövlükdə götürəndə, ora gələnləri bürüyən məzarlıq soyuqluğu hissi.

Bolsover qəsri 12-ci əsrdə tikilib, 1883-cü ildən orada heç kim yaşamayıb.

Qəsrin rəsmi sahibi 7-ci Portland qrafı 1945-ci ildə qəsri dövlətin idarəçiliyinə verib.

Bu qəsr İngiltərənin ən mühüm və dövlət əhəmiyyətli qədim tarixi və memarlıq abidələri siyahısına daxil edilmişdir.

Yaşı 900 il olan Warwickshire-dəki Kenilworth qəsri vahiməli qalalar siyahısında ikinci yerdədir. Qəsr əməkdaşları burada kabus gördüklərini, eləcə də qaladakı qədim beşiyin öz-özünə yırğalandığını və ondan tənbəki tüstüsü iyinin gəldiyini bildiriblər.

Wight adasındakı Carisbrooke qəsri, burada 1647-1648 illərdə devrilmiş kral I Charles-ın saxlanması ilə məşhurdur. Burada xeyli sayda kabusun, o cümlədən, yaxınlıqdakı dərin su quyusunda batmış qızın da kabusunun dolaşdığı deyilir.

Qəsrdə işləyənlər vaxtaşırı, sankı, uzaqdan gələn uşaq gülüşü səsi eşitdildiyindən şikayətlənir.

"Bizim abidələrimizə, qəsr və qalaların daş-divarına tarix, qanlı döyüş hadisələri və qaranlıq qalmış əməllər, sankı, hopub, - "İngiltərə irsi" fondundan Lucy Hutchings deyir. - Qala və qəsrlərimiz vahiməli ola bilər, bəzi əməkdaşlarımızın gözünə gördüklərini isə izah etmək mümkünsüzdür".

İngiltirənin 10 ən vahiməli yeri