Çində torpaq sürüşməsi: ən azı 120 nəfər itkin düşüb

Çinin Sıçuan əyalətində torpaq sürüşməsi nəticəsində 120-dən çox adamın dağıntılar altında qaldığı güman edilir, dövlət mediası bildirir.

Maosian rayonundakı kəndlərdən birində 40-dək ev tamamilə məhv olunub.

Hadisə səhərin erkən saatlarında baş verib.

Xilasetmə qrupları torpaq altında qalanları axtarır.

AFP agentliyi 5 nəfərin xilas edildiyini bildirib.

Onlardan biri uşaqdır.

Hakimiyyət bildirir ki, torpaq sürüşməsinə səbəb aramsız yağışlar olub.

"Burada bir neçə ton süxur kütləsi var, - polis kapitanı Chen Tiebo yerli CCTV kanalına bildirib. - Bura seysmik fəal bölgədir".

Şənbə günü təbii fəlakət zonasına aparan yollar yalnız fövqəladə xidmətlər tərəfindən istifadə olunur.

Əraziyə ağır texnika cəlb edilib.