2026-cı ilin maraqla gözlənilən 20 filmi
Şəklin mənbəyi, 20th Century Studios
- Müəllif, Lizo Mzimba
- Vəzifə, BBC
- Oxuma vaxtı: 8 dəq
Məşhur rejissor Christopher Nolan-ən son filmi "Oppenheimer", 2023-cü ildə "Barbie" ilə eyni vaxtda kinoteatrlara çıxanda böyük tamaşaçı kütləsini kinolara cəlb etmişdi.
Nolan-ın "Odissey" filmi 2026-cı ildə nümayiş olunacaq digər filmlərlə birlikdə bu uğuru təkrarlaya biləcəkmi?
Sektor, Tom Holland-ın dördüncü "Spider Man" ("Hörümçək Adam") filmi, ikinci "Super Mario Qardaşları" filmi və "The Devil Wears Prada 2" ("Şeytan Marka Geyər 2") kimi çox gözlənilən filmlərin böyük kassa gəliri əldə edəcəyinə ümid edir.
"Avengers: Doomsday" ("Qisasçılar: Qiyamət Günü") və üçüncü "Dune" ("Çöl Planeti") filmlərini də unutmaq olmaz.
"Hamnet" kimi Oskar namizədi filmlərlə birlikdə, 2026-cı il Covid-19 karantinasının təsirlərini hələ də hiss edən kino sənayesi üçün potensial olaraq çox böyük bir il ola bilər.
Budur, 2026-cı ilin maraqla gözlənilən 20 filmi.
1. "Hamnet"
Şəklin mənbəyi, Focus Features
Maggie O'Farrell-in mükafatlı romanı əsasında çəkilən "Hamnet" Uilyam Şekspir (Paul Mescal) və onun həyat yoldaşı Aqnes (Cessi Bakley) arasındakı münasibətdən bəhs edir.
Hekayə cütlüyün yaşadığı və Şekspirin "Hamlet" əsərinə ilham verən faciəvi hadisələri araşdırır.
2. "28 il sonra: Sümük Məbədi"
Şəklin mənbəyi, Sony Pictures
2002-ci ildə başlayan seriyanın dördüncü hissəsi olan və 2025-ci ildə nümayişə girən "28 İl Sonra" hekayəni qaldığı yerdən davam etdirir.
Spike (Alfie Williams), Jimmy Crystal-ın (Jack O'Connell) rəhbərlik etdiyi ölümcül bir qrupla üz-üzə qalır.
Dr. Kelson (Ralph Fiennes) isə dağıdıcı nəticələrə səbəb ola biləcək yeni bir münasibətə başlayır.
3. "Səsim Gəlir?"
Şəklin mənbəyi, Searchlight Pictures
İngilis komediya ustası John Bishop-un karyerasından ilhamlanaraq çəkilən "Is This Thing On?" ("Səsim Gəlir?"), Bradley Cooper-in "Bir Ulduz Doğur" və "Maestro" filmlərindən sonra rejissor kimi imza atdığı üçüncü ekran işidir.
Film, gözlənilmədən stand-up komediyaya başlayan və insanları güldürmək qabiliyyətinə sahib olduğunu kəşf edən bir kişinin hekayəsindən bəhs edir.
4. "Uğultulu Təpələr"
Şəklin mənbəyi, Warner Bros.
Ehtirası, həsrəti və bastırılmış cinsi gərginliyi əks etdirən görüntülərlə zəngin treylerləri sayəsində "Uğultulu Təpələr" artıq 2026-cı ilin ən çox müzakirə olunan filmlərindən birinə çevrilib.
Filmin rejissoru Saltburn ilə tanınan Emerald Fennell-dir. O, Heskliff rolunda yenidən Jacob Elordi ilə çalışır. Margot Robbie isə Keyti rolunu canlandırır.
5. "Ann Li-nin Vəsiyyətnaməsi"
Şəklin mənbəyi, Searchlight Pictures
Amanda Seyfried real həyatda 18-ci əsrdə Şeykerizm kimi tanınan dini hərəkatın lideri olmuş Ann Li rolunda baş rolu canlandırır.
Əslində XVII əsrdə İngiltərədə yaranmış və Kuveykırlar (Dostlar Cəmiyyəti) hərəkatına mənsub olan Li bu icmadan ayrılır və Atlantik okeanını keçərək Amerikaya köçür. Burada yüzlərlə insan onun dini yolçuluğuna qoşulur.
Qlobal nümayiş tarixi: 3 aprel
6. "Qışqırıq 7"
Şəklin mənbəyi, Paramount Pictures
Orijinal "Qışqırıq" filminin və onun iki davam hissəsinin ssenarisini yazmış Kevin Williamson, bu dəfə həm rejissor, həm də ssenarist kimi "Qışqırıq" ailəsinə geri qayıdır.
Kamera qarşısında isə Gale Weathers-ı canlandıran Courteney Cox ve Sidney Prescott'ı oynayan Neve Campbell Prescott'ın qızını hədələyən yeni bir "Ghostface" -lə üzləşmək üçün yenidən ekrana dönürlər.
7. "Super Mario: Qalaktika Filmi"
Şəklin mənbəyi, Nintendo/Universal
"Super Mario Qardaşları" adlı canlı-action filmin kassada uğursuzluğa düçar olmasından 30 il sonra, şən santexnik Mario-nun macəralarından bəhs edən animasiya filmi — Super Mario Qardaşları Filmi — dünya üzrə kassada 1 milyard dollardan çox gəlir əldə etmişdi.
Mario və Luici-nin Şahzadə Piç-i xilas etmək üçün yola çıxdığı 2007-ci il istehsalı bir video oyuna əsaslanan bu davam filminin çəkilməsi demək olar ki, qaçılmaz idi.
Qlobal nümayiş tarixi: 3 aprel
8. "Şeytan Marka Geyinər 2"
Şəklin mənbəyi, 20th Century Studios
Meril Strip-in "Runway" moda jurnalının hazırcavab və sərt redaktoru Miranda, Anne Hatavey-in isə moda dünyasına yeni qədəm qoymuş saf Andy obrazındakı çıxışları orijinal filmi milyonlarla insanın izlədiyi bir kino hadisəsinə çevirmişdi.
İyirmi il sonra hər iki obraz geri dönür. Film haqqında hələlik çox az detal açıqlansa da, fanatların sevimliləri Emily Blant və Stanli Tusi də müvafiq olaraq Emily və Nigel rolları ilə yenidən ekranlarda olacaqlar.
Qlobal nümayiş tarixi: 1 may
9. "Ulduz Müharibələri: Mandalorian və Qroqu"
Şəklin mənbəyi, Lucasfilm
Üç mövsüm ərzində yayımlanan Mandalorian, indiyədək çəkilmiş ən uğurlu "Ulduz Müharibələri" ("Star Wars") serialı olub.
Yaradıcılar ümid edirlər ki, serialın böyük populyarlığı "Ulduz Müharibələri"nə böyük ekranda yenidən həyat verəcək.
Bu film, 2019-cu ildə nümayiş etdirilən "Ulduz Müharibələri: Skayvokerin Yüksəlişi" filmindən sonra seriyanın ilk kino işi olacaq.
Filmdə Sigourney Weaver də rol alacaq.
Qlobal nümayiş tarixi: 22 may
10. "İfşa Günü"
Şəklin mənbəyi, Universal
Steven Speilberg-in son layihəsi olduqca gizli saxlanılır. Hətta iki dəqiqəlik reklam videosu belə süjet xətti barədə demək olar ki, heç bir ipucu vermir.
Ancaq filmin sloqanı:
"Əgər tək olmadığımızı öyrənsəydiniz, kimsə bunu sizə göstərsəydi, sübut etsəydi, bu sizi qorxudardımı?" - yadplanetlilərin ifşa ediləcəyinə dair güclü bir eyham ehtiva edir.
Qlobal nümayiş tarixi: 12 iyun
11. "Oyuncaq Hekayəsi 5"
Şəklin mənbəyi, Pixar
2020-ci illər Piksar üçün asan keçməyib. Turning Red (Qırmızı), Elio və Oyuncaq Hekayəsi seriyasından törəyən Lightyear (İşıkyılı) daxil olmaqla bir çox film studiyanın öz yüksək gözləntilərini doğrultmayıb.
Animasiya studiyası, ən uğurlu franşizasının beşinci filmində Tom Hanksin Vudi, Tim Allenin isə Bazz rollarına qayıdışının vəziyyəti düzəltməyə kömək edəcəyinə ümid edir.
Qlobal nümayiş tarixi: 19 iyun
12. "Supergirl"
Şəklin mənbəyi, Warner Bros.
Milly Alkok-un "Superman" filmində Superqız kimi qısa, lakin təsirli çıxışı filmin ən yadda qalan anlarından biri olmuşdu.
Bu filmin treylerində onun təkcə canilərlə döyüşməsi deyil, eyni zamanda diskoteka kürəsinin altında rəqs etməsi də göstərir ki, bu dəfə Superqızın şəxsiyyətinə xüsusi diqqət ayrılacaq.
Qlobal nümayiş tarixi: 26 iyun
13. "Moana"
Şəklin mənbəyi, Walt Disney
İlk animasiya filmi "Moana" böyük uğur qazanmış, "Moana 2" isə bundan da irəli gedərək kassada 1 milyard dollardan çox gəlir əldə etmişdi.
Bu səbəbdən, gənc Moananın xalqını xilas etmək ümidi ilə adasını tərk edib bir səfərə çıxmasından bəhs edən bu canlı-aksiyon ekranlaşdırması ilə bağlı gözləntilər olduqca yüksəkdir.
Qlobal nümayiş tarixi: 10 iyul
14. "Odissey"
Şəklin mənbəyi, Universal
Oskar mükafatlı rejissor Kristofer Nolan, adətən, tamaşaçıların filmlərinin mövzusu barədə əvvəlcədən çox məlumatlı olmasını sevmir.
Lakin onun 2023-cü ildə Oskar qazanan "Oppenheimer" filmindən sonrakı ekran işi, Troya müharibəsindən sonra evinə qayıdan Odysseus-un (Matt Damon) hekayəsindən bəhs edir.
Hekayə Homerosun qədim yunan dastanına əsaslanır.
Qlobal nümayiş tarixi: 17 iyul
15. "Hörümçək Adam: Tamamilə Yeni Gün"
Şəklin mənbəyi, Sony/Marvel
Seriyanın əvvəlki filmi "Spider-Man: No Way Home" ("Evdə Yol Yoxdur") -un sonunda, Doctor Strangein etdiyi sehir nəticəsində sevgilisi MJ də daxil olmaqla bütün dünya Peter Parkerin (Tom Holland) Hörümçək Adam olduğunu, hətta onun mövcudluğunu belə unudurdu.
Bu səbəbdən bir çoxları yeni filmdə Parkerin superqəhrəman olmağın gətirdiyi tənhalıqla necə mübarizə aparacağından bəhs ediləcəyini düşünür.
Qlobal nümayiş tarixi: 31 iyul
16. "Aclıq oyunları: Seçim gününün sübhü" (The Hunger Games: Sunrise on the Reaping)
Şəklin mənbəyi, Murray Close/Lionsgate
"İlk Aclıq Oyunları" filmindən 25 il əvvəl cərəyan edən Sunrise on the Reaping, gələcəkdə Katniss Everdin-in (Jennifer Lawrence) mentoruna çevriləcək Heymiç Abernasinin 50-ci Aclıq Oyunlarına qatılmasını mərkəzə alır.
Bildirilir ki, həm Jennifer Lawrence, həm də Josh Hutcherson (Peeta) filmdə qısa rollarla yer alacaqlar.
Qlobal nümayiş tarixi: 20 noyabr
17. "Qaynata Foker".( Focker-in-Law)
Şəklin mənbəyi, Getty Images
"Çətin ata" filmi ilə başlayan seriyanın dördüncü hissəsində Ben Stiller, Robert De Niro, Teri Polo, Blis Danner və Oven Vilson yenidən ekranlara qayıdır.
Lakin əvvəlki filmlərdə Stiller-in valideynlərini canlandıran Dastin Hoffman və Barbra Streisandın bu filmdə olub-olmayacağı hələ də dəqiq deyil. Yeni heyət üzvlərindən biri isə Ariana Grandedir.
Qlobal nümayiş tarixi: 25 noyabr
18. "Jumanji 3"
Şəklin mənbəyi, Instagram/@JumanjiMovie
Hələ də məxfilik pərdəsi arxasında saxlanılan layihələrdən biri də "Jumanji 3"dür. Film barədə indiyədək yalnız bir foto yayımlanıb və süjetlə bağlı konkret məlumatlar azdır.
Ancaq Dveyn Conson, Cek Blək, Karen Gillan və Kevin Hartdan ibarət əsas heyətin geri dönəcəyi məlumdur. Həmçinin bunun son "Jumanji" filmi olacağı deyilir.
Qlobal nümayiş tarixi: 11 dekabr
19. "Yenilməzlər: Qiyamət Günü"
Şəklin mənbəyi, Marvel
Bir vaxtlar kassaları alt-üst edən Marvel studiyası son dövrlərdə nisbətən sakit mərhələ keçirib.
Marvel studiyası "Avengers: Doomsday" ("Yenilməzlər: Qiyamət Günü") filminin bu durğunluğu qıracağını və böyük kasssa uğuru qazanacağını ümid edir.
Filmdə Robert Dovney Jr. bu dəfə caninin - Doctor Dum rolunda geri qayıdır. Eyni zamanda X-Men üzvləri də daxil olmaqla çox geniş aktyor heyəti yer alır.
Qlobal nümayiş tarixi: 18 dekabr
20. "Dune 3: Çöl Planeti"
Şəklin mənbəyi, Legendary Pictures/Warner Bros.
Rejissor Denis Villeneuveün epik kosmik trilogiyasının üçüncü filminin, "Dune" seriyasının ikinci romanı olan "Dune: Messiah" əsasında çəkiləcəyi bildirilir.
Timotey Kalamet, Zendaya və digər əsas aktyor heyəti rollarını yenidən canlandıracaq. Heyətə yeni qoşulan ad isə Robert Pattinsondur.
Villeneuve-ün növbəti layihəsi isə yeni Ceyms Bond filmi olacaq.
Qlobal nümayiş tarixi: 18 dekabr
