Avropa Məhkəməsi Azərbaycanı cərimələyib
Şəklin mənbəyi, Obyektiv TV/BBC
Azərbaycan hökuməti Obyektiv Radio və onun təsisçilərinə 6500 avro təzminat verməlidir.
Avropa İnsan Hüquqları Məhkəməsi belə qərar çıxarıb.
Məhkəmə fevralın 18-də bildirib ki, Obyektiv Radio və onun təsisçiləri Mehman Əliyev və Emin Hüseynovun radio yayım üçün lisenziya müraciətinə imtina cavabı verilərkən ifadə azadlığı hüququ pozulub.
Alternativ radio-nun təsisçisi Rəsul Cəfərov isə məhkəmə zamanı hökumətlə "dostca razılaşma" əldə edib və şikayətini geri götürüb. Hökumət ona 3 min avro ödəməlidir.
Ərizəçilər 2010-cu ildə 103.3 FM radio tezliyi üzrə yayım lisenziyası üçün tenderə qatılıblar.
Keçmiş Milli Televiziya və Radio Şurası keçirdiyi tenderdə "Golden Prince" şirkəti qalib elan edilib.
Şirkətin sonradan Prezident Administrasiyasının ictimai-siyasi şöbəsinin sabiq müdiri Əli Həsənovla bağlılığı ortaya çıxıb.
Həsənov 2014-cü ildə bunu BBC-yə özü etiraf edib.
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu YouTube
Video açılmırsa, YouTube kanalımızda izləyin.
