Mali i Zi aplikoi për anëtarësim pas ndarjes me Serbinë në 2006

Komisioni tha se BE-ja duhet t'i japë Malit të Zi statusin e vendit kandidat.

Kjo gjë do ta vërë Malin e Zi në të njëjtën rradhë me Kroacinë, Maqedoninë, Turqinë dhe Islandën.

Kroacia është drejt rrugës për t'u bërë vendi i 28 anëtar i Bashkimit Evropian.

Komisioni tha se bisedimet po hynin në fazën përfundimtare.

Një përplasje për Qipron vazhdon ndërkohë të vonojë përparimin e Turqisë drejt BE-së.

Fqinjët ballkanikë të Malit të Zi, Shqipëria, Bosnja dhe Serbia kanë mbetur prapa në rradhën për t'u anëtarësuar në Bashkimin Evropian.

Ditën e hënën, qeveritë e 27 vendeve evropiane ranë dakord që shtetasit e Shqipërisë dhe Bosnjës të udhëtojnë pa viza në shumicën e vendeve të BE-së.

Rregjimi pa viza pritet të fillojë të funksionojë në mes të muajit dhjetor dhe do të bëhet i mundur për shtetasit që kanë pasaportë biometrike dhe do të mbulojë vendet që janë në zonën Schengen.

Shtetasve nga Maqedonia, Mali i Zi dhe Serbia u është mundësuar rregjimi pa viza që prej një viti.

Shtetasve të Kosovës ende u duhet të aplikojnë për viza.