BWLETIN 4
 Gwrandewch
Cwestiynau
Geirfa
1. Bu farw dyn canol oed ar ôl iddo fynd i drafferthion tra roedd ar gefn ceffyl rhwng traeth Popyd a Gwbert ym Mae Ceredigion. Roedd e'n ceisio croesi Afon Teifi pan gynhyrfodd y ceffyl. Syrthiodd y dyn a chafodd ei ysgubo gan y llif.2. Mae merch ddeunaw oed wedi'i lladd a phedwar person ifanc arall wedi'u hanafu'n ddifrifol wedi damwain car yng Nghaerdydd nos Sul. Bu farw'r ferch ar ôl i'r car lithro i lawr llethr a throi drosodd, nid nepell o ystad ddiwydiannol Llandochau. 3. Aethpwyd â gŵr trigain a phump oed i ysbyty Glan Clwyd wedi iddo gael ei daro gan gar ar y ffordd rhwng Yr Wyddgrug a Sychdyn. SYLWCH
Pwnc arall sy'n cael cryn sylw mewn bwletiniau newyddiom yw damweiniau o bob math. Sylwch eto ar yr eirfa sy'n gysylltiedig â damweiniau. Sylwch yn arbennig ar y ffurfiau:
Aethpwyd / Aed â . . . . . - . . . . . was (were) taken Mae pob un o'r eitemau yn y bwletin uchod yn ymwneud â damwain. |
4. Dros y Sul cafodd gwraig gant oed ddihangfa lwcus pan gafodd ei hachub o'i bwthyn ym Mhenmon ar Ynys Môn, wedi i dân gynnau yn ei hystafell wely. Aed â Jane Bennett i Ysbyty Gwynedd ym Mangor er mwyn sicrhau nad oedd yn dioddef o effeithiau mwg. 5. Mae awyren wedi plymio i'r ddaear yn Nyfnaint. Er bod seddau i ddeugain obobl ar yr awyren, dim ond dau berson - y peilot a'r llywiwr - oedd ar ei bwrdd. Hyd yn hyn, 'dyw'r heddlu ddim wedi cyhoeddi beth yw cyflwr y ddau. 6. Dywed heddlu Dyfed Powys bod ffordd yr A470, ger Llanidloes ar gau ar ôl damwain rhwng dau gar a lori. Cludwyd un wraig i Ysbyty Bronglais, Aberystwyth, mewn hofrennydd, gydag anafiadau i'w chefn a'i gwddf. 7. Cyhoeddwyd mai Ronald Bennett o Fethesda oedd y dyn fu farw yn Chwarel y Penrhyn neithiwr. Credir iddo farw mewn tirlithriad yn y chwarel. 8. Jennifer Trueman o Swindon oedd y ferch ddeunaw oed a fu farw mewn damwain ar y môr ger Aberdaugleddau ddoe. Roedd hi'n cymryd rhan mewn taith hwylio a drefnwyd gan Ymddiriedolaeth y Tywysog - a boddodd wedi i'r cwch ddymchwel. 9. Lladdwyd John Williams, chwech a thrigain oed o Lanberis mewn damwain yn Llydaw dros y Sul. Roedd yn aelod o gôr meibion Dyffryn Peris. Syrthiodd i'r môr oddi ar y cei yn Roscoff. 10. Cyhoeddwyd enw'r ferch a gafodd ei lladd mewn damwain ar fferm ger Rhiwabon echdoe. Roedd Rachel Louise Kearsley yn bedair oed ac yn byw ar fferm Tyddyn Ucha yn Rhosymadog. Credir iddi syrthio o flaen tractor a bod y cerbyd wedi gyrru drosti.
| 
