Миржалол Қосимов ўтган ҳафта катта футбол билан хайрлашди

Ўзбек ва Осиё футболи юлдузларидан Миржалол Қосимов bbcuzbek.com ўқувчилари ва тингловчиларимизнинг саволларига жавоб беради.

Ўтган шанба Тошкентда катта футбол билан хайрлашган Миржалол Қосимовга саволларингизни саҳифамизнинг ўнг томонидаги махсус форма орқали ёки uzbek@bbc.co.uk
электрон манзилимизга йўлланг.

Миржалол Қосимов 1970 йил, 17 сентябрда Тошкентда туғилган. Биринчи мураббий: Юрий Господарчук Жамоалар: "Пахтакор", "Динамо" Минск, "Алания" Владикавказ... СССР олимпия терма жамоаси аъзоси Россия чемпиони-1995 йил Ўзбекистоннинг энг яхши футболчиси-1993,1998, 2000 йиллар 12-Осиё ўйинлари ғолиби, ўсмирлар орасида Жаҳон (1987) ва Оврўпо чемпиони (1988

Би-би-си меҳмони саволларингизга ҳам интернет ва ҳам радио орқали жавоб беради.

Суҳбатнинг радио версиясини шанба кунги "Дараклар" дастурида тинглай оласиз.

Саволларини радио учун ўз овозлари билан беришни истаган тингловчиларимиздан ўзларининг телефон рақамларини ҳам ёзиб юборишни сўраймиз.

Рукнимизнинг кейинги меҳмонлари кимлар бўлишини истайсиз?

Бу ҳақдаги фикрларингизни кутиб қоламиз.

Assalomy Alaykum Mirjalol aka, Evropa jamoalarida o'ynash imkoniyatingiz bo'lganmi? Qaysi jamoalarda o'ynashni hohlagansiz va hozir o'ynay olmaganingizdan achinasizmi? Rahmat va sizga gap yo'q!!! Rahmat,

Ulugbek, USA

PS: aytgancha, sizni boshchiligingiz ostida O'zbekiston Jahon chempionatiga chiqishiga ishonadi.

Миржалол Қосимов: 1992 йил Россиянинг «Алания” жамоаси таркибида мамлакат чемпионатида 2-ўринни қўлга киритганимиздан сўнг бошқа жамоадошларим қаторида менга хам хорижий клублардан таклифлар бўлган. Испаниянинг «Вальядолид” ва “Логроньес”, шунингдек Малайзия чемпиони – “Паханг” жамоалари шулар жумласидандир. Айниқса, малайзияликлар ва «Вальядолид” вакиллари зўр бериб ўз жамоаларига чорлашганди. Мен Европа футболини танладим ва 1993 йилнинг февраль ойида Испанияга жўнаб кетдим. “Вальядолид” клуби мураббийлари кўригидан ўтдим. Европада чемпионат тизими куз-бахор шаклида бўлгани учун хам улар факат ёз ойларида мени рўйхатга олиш мумкинлиги, шу боис хам ярим йилча кутишим лозимлигини айтишди. Бу орада аёлимнинг кўзи ёриши керак эди. Шу боис мен Тошкентга қайтдим ва 12 март куни яратган бизга қиз фарзанд – Мохирани берди. Оила қувонч ва ташвишлари билан юрганимда “Пахтакор” рахбарлари ўз сафларига таклиф этишди. Мен иккиланмай шартнома имзоладим. Сабаби терма жамоа олдида катта синовлар турган эди. Кейинчалик яна таклифлар бўлган бўлса-да, мен уларни рад этдим.

salom Mirjalol aka, qachon bulsa ham futbolchiligingizdan afsuslanganmisiz, bulsa nimaga?

Otash Eshnazarov, Toshkent

Миржалол Қосимов: Ҳеч қачон афсусланмаганман. Бу дунёда нимага эришган бўлсам, барчаси футбол орқали бўлган. Юксак мартабаларга эришдим, дунё кездим, дўстлар орттирдим, оила тебратдим. Футболдан бир умр миннатдорман.

Salom Mirjalol aka. Bilamizki eng yahshi tarkibimiz 1994yilgi tarkib edi.O'shandan beri biror bir ko'zga ko'rinadigan natija ko'rsatolmayapmiz. Buning asosiy sababi nimada deb o'ylaysiz?

Bahromov, Korea

Миржалол Қосимов:1994 йилги Осиё ўйинлари мустақил мамлакатимиз учун илк йирик халқаро мусобақа эди. Бизни хеч ким танимаган ва билмаган эди. Фақат ярим финалга чиққанимиздан кейин барча бизга эътибор бериб қаради. Лекин кеч бўлган эди. Европа футбол мактабида чиниққан тажрибали футболчилар Билан биз ўша ғалабага эришганмиз. Хозир Ўзбекистонни хама билади ва биз билан учрашувга жидди тайёргарлик кўради. Лекин биз хали ўз сўзимизни айтганимиз йўқ. 2003 йил ёшларимиз Жахон чемпионати финал босқичида иштирок этишди. Олимпиячиларимиз хал қилувчи босқичга йўл олганллари хам фикримга далил бўла олади.

Agar o`zingiz jurnalist bo`lganizda, M.Qosimovga nima deb savol bergan bo`lardiz?

Sherzod, Angliya

Миржалол Қосимов: Агар мен журналист бўлганимда Миржалол Қосимов исмли футболчи бўлмас эди. Демакки, йўқ одамга савол хам берилмас эди.

hozir johonda eng yahshi futbolchi kim deb oylesiz? va uzbekistonda ham kimni eng yahshi futbilchi deb oylesiz?

Makkiy Rafikov, Makka shahri, Saudiya Arabistoni

Миржалол Қосимов: Мен ўйинини кўрган футболчилар орасида Зинедин Зидан ёқарди. Гап унинг махоратли футболчилигида хам эмас. У бутун жамоани рухлантира олар ва ғалаба сари чорларди. Ўз хатти-харакатлари билан ўйин тақдирини хал қилиши мумкин эди. Бу сингари етакчи футболчилар кам.

salom Mirjalol aka! O'zbekiston terma jamoasi Jahon Chempionatiga chiqa olmasligining asosiy sababi o'zbek futbolidagi poraho'rlik, tanish-bilishchilik va mansabbozlik deb o'ylaysizmi? 1994 yildagi natijalarga erishilganini sababi u paytda bu kabi nuqsonlar uncha rivojlanmagan edi deb o'ylayman. Uzr bunaqa ochiq savol berganim uchun. Kelajakdagi barcha ishlaringizga omad tilayman! Biz sizni har doim sog'inamiz!

Fahriddin, Alabama, USA

Миржалол Қосимов: Мен сизнинг футбол ўйнаганингиз ёки Ўзбекистонда яшаганлигингиз хақида хеч қандай маълумотга эга эмасман. Лекин фикрингизга умуман қўшилмайман. Ўзбекистонда футбол доимо хукумат эътиборида бўлган. Шунинг учун хам федерацияни энг обрўли шахслар бошқарган. Футбол идорада эмас, майдонда, миллионлаб мухлислар нигохи остида ўйналади. Яъни унда таниш-билишчилик қилиш мумкин эмас. Мен хозир терма жамоа катта мураббийи сифатида федерацияда ишлайман. Бу ерда амалга оширилаётган ишларни кўрганингизда бундай фикрламас эдингиз. Яқинда менинг футбол билан хайрлашув учрашувим бўлиб ўтди. Хориждан ташриф буюрган мехмонлар лол қолиб кетишди. Чунки бу даражадаги тадбирлар хамма ерда хам ўтказилмайди. Агар федерациямиз рахбарлари бош-қош бўлишмаганда уни амалга ошириб бўлмас эди. Ўша куни ёш футболчиларга текинга чипта тарқатилди. Улар бу шодиёнани кўриб футболчиликка янада мехрлари ошган бўлса ажаб эмас.

Mirjalol aka. Futbol ortidagi armoningiz nima.ya'ni futbolchi bo'lganingiz uchun erisholmagan orzuingiz?

Nurik Ergashev, Toshkent

Миржалол Қосимов: Жахон чемпионатининг финал турнири футболдаги энг нуфузли мусобақа хисобланади ва унда қатнашиш хар бир футболчининг орзуси хисобланади. Мен уч маротаба саралаш учрашувларида иштирок этдим. Афсуски, финал турнирида иштирок этиш насиб этмади. Анна шу армон бўлиб қолди. Лекин тушкунликка тушганим йўқ. Энди мураббий сифатида бу давонни забт этиш истагидаман.

Assalomu alaykum!!! Mirjalol aka sizga bitta savolim bor ,u'zingiz yaxshi bilasiz 1994 yilgi U'zbekistonni Osiyo uyinlaridagi yutug'iga Birodar Abduraimovni katta xissasi bor .Nima uchun mana shunday ustozdi Milliy termaga murabbiy qilishmaydi ,qaerdagi odamlar kelib ketishayaptikuya lekin oldingdan oqqan suvni qadri bu'lmayapti shekilli.Faqat iltimos iloji bu'lsa savolimga aniq biror narsani yashirmasadan javob bering .

Xumat bilan Akrom Makhmedov, U.S.A

Миржалол Қосимов: Биродар ака жуда тажрибали мутахассис. Шу боис хам биз хозир у кишининг тавсиялари асосида иш олиб бораяпмиз. Хозирда Биродар Абдураимов барча терма жамоалар бўйича футбол федерацияси президентининг маслахатчиси этиб тайинланганлар ва биз Билан доимо биргалар.

Assalomu alaykum Mirjalol aka! Sizning o'zbek futbolidagi hissangiz beqiyos. Sizga savolim: 1. Sizning idealingizdagi futbolchi kim? 2. Futbolda jarohat olib kutilmaganda futbol bilan bir umrga hayrlashishim mumkin degan qo'rquv bo'lganmi? 3. O'zbek futbolida yana kimni eng yaxshi futbolchi deb aytgan bo'lardingiz? Javoblaringiz uchun katta rahmat.

Tohir, Ўзбекистон

Миржалол Қосимов: Боя айтганимдек Зидан ва нима учунлигини хам айтиб ўтдим. Футболчи майдонга қўрқиб тушадиган бўлса хеч нарсага эриша олмайди. Жарохат ва бошқа кўнгилсиз нарсалар исталган жойда бўлиши мумкин. 1996 йил операция столига ётганимда хам «худо хохласа, албатта майдонга қайтаман» деган ишонч бўлган менда. Ўзбек футболида хозир авлодлар алмашинуви содир бўлмоқда. Херосима қахрамонлари футболни тарк этишмовда. Иқтидорли ёшлар энди кириб келишмоқда. Шунинг учун бировни алохида ажратиб кўрсатишим қийин. Хаммасини вақт кўрсатади.

Assalomu alaykum.Mirjalol aka, nima deb o'ylaysiz terma jamoamiz "omad"sizligiga UFFdagi va shu sohadagi korrupsiya qanchalik o'z ta'sirini o'tqizmqda? Oldindan kottakon rahmat!

Abror Islomov, Yaponiya

Миржалол Қосимов: Бу саволга боя батафсил жавоб қайтардим ва бу мавзуга қайтиш истагим йўқ.

Jahonda mashhur futbolchilarга миллионлаб доллар тулашади. Миржалол ака, сизга канча тулашади?

Sobir, O'zbekiston

Миржалол Қосимов: Мен бировнинг чўнтагига назар солишни ёқтирмайман. Ким миллионлаб пул топаётган бўлса – омадини берсин. Менинг топаётган пулим оила тебратишга, барча сарф-харажатларимга бемалол етади. Шунинг учун хам нолимайман.

Salom Mirjalol aka , biza sizi o'zbek futboliga qo'shkan ulkan xissangiz uchun minadorchilik bildiramiza va kelajktayam o'zbek futbolini rivojlanishiga o'zizi boy tajribalariz bilan xizmat qilishizga ishonamiza.sizga sovolim bu yili osiyoning eng yaxshi o'yinchisi kim bo'ladi dip o'ylisiz ?javobiz uchun raxmat

Akmal Akbarov, Toshkent

Миржалол Қосимов: Осиёда энг яхшиларни аниқлаш Европадан фарқ қилади. Яъни хеч ким танимайдиган ўйинчилар хам энг яхши бўлиши мумкин. Менимча, Европанинг машхур жамоаларида тўп сураётган Осиёликлар энг яхши бўлишга хақли.

assalomu aleykum. Mirjalol aka hafa bumenu, uziz Uzbekiston komandasi pichoq'q'a ilinadigan bup qolishiga ishonasmi?

Said, USA

Миржалол Қосимов:Нимани назарда тутаётганингизни билмадиму, ўзбек футболи халқаро мусобақаларда оламшумул ғалабаларга эришганда, фикрингиз ўзгаришига ишонаман.

Барчангизга эътиборингиз учун раҳмат!

Миржалол Қосимов билан мулоқот