Пойтахт Ашгабат марказидаги бош майдонда Туркманистон мустақиллигининг 15 йиллиги тантаналари ўтказилди.

Байрам куни мамлакатда шахсга сиғинишни шакллантирган Туркманбоши - Сапармурод Ниёзовнинг турли шаклдаги суратларини кўриш мумкин эди.

Байрам парадида Туркманистоннинг ифтихори бўлган Ахалтака отлари ҳам қатнашди.

Отнинг ишқибози бўлган Туркманбошига вилоят ҳокимлари байрам совғаси сифатида той ҳадя қилдилар.

Миллий либосдаги аёллар Туркманбошига туз ва нон тутдилар.

Ҳарбий парадда эркаклар билан бирга шахдам қадамлар билан аёллар ҳам ўтдилар.

Байрам томошаларида қатнашган ва уни томоша қилганлар оддий одамлардан ҳам кўра кўпроқ давлат хизматидагилар - ҳарбийлар, ҳукумат одамлари бўлди.

Парад олдидан Туркманистон Халқ Маслаҳатининг икки минг беш юз аъзоси қаршисида Президент Сапармурод Ниёзов маъруза қилди

Байрам арафасида Ашгабат марказида "Туркман Диснейлэнди" номини олган "Туркман эртаклари дунёси" кўнгилочар боғи иш бошлади.

Мустақиллик байрами арафасида мамлакатда ўн мингдан ортиқ маҳбуснинг озод этилгани эълон қилинди, айримлар тазарруси телевидениеда намойиш этилди.

Давлат телевидениеси хабарига кўра, амнистияни минглаб одамлар қувонч ёшлари билан кутиб олганлар ва Туркманбошига миннатдорлик изҳор этганлар