Тажовузкор чумолилар сони ортиб бормоқда

Ватанларида бу чумолилар кичик-кичик гуруҳларга бўлинган ҳолда яшашади. Аммо Австралияда улар кутилмаганда йирик бир суперколонияга бирлашганлар.

Мутахассислар фикрича, бу истило қитъа наботот оламининг турфа хиллигига хавф солади.

Мельбурндаги Монаш университети ходимаси, Элисса Сур фикрича, Жанубий Америкада экан чумолилар миқдори, уларнинг тажовузкор табиати туфайли, одатда ўзгаришсиз қолган.

Авваллари улар генетик жиҳатдан турли хил бўлиб, бир-бирига нисбатан ўта тажовузкорона муносабат бўлганлар, дейди доктор Сур.

Аммо, бу ҳашаротларнинг бошқа ҳайвон ва ўсимликларга ҳеч қандай хавф-хатари бўлмаган, дея илова қилади Элисса Сур.

Муҳожир чумолилар

Аргентиналик чумолилар 1939 йилда Австралияга келишар экан, уларнинг ҳатти ҳаракатида ўзгаришлар содир бўлди.

Улар генетик нуқтаи назардан анча мукаммаллашишди.
Чумолилар бир-бирига ҳужум қилишни тўхтатишди ва натижада, уларнинг йирик колонияси вужудга келди.

Доктор Сур сўзларига кўра, "бу келгиндилар"нинг бошқа чумоли ва қумурсқаларни осонлик билан бартараф этиши, Австралия наботот олами турфа хиллигини хавф остига қўяди.

Австралия - Аргентиналик чумолилар хавф солаётган ягона мамлакат эмас. Элисса Сурга кўра, Калифорнияда улар маҳаллий чумолиларни бутунлай сиқиб чиқариш билан бирга бошқа ҳашарот турларининг ҳам йўқолиб кетишига сабаб бўлишган.

Биологлар бошқа шаҳараларда ҳам чумолилар колонияларини ўрганишмоқда. Уларни қизиқтирган жиҳат, у ердаги чумолиларнинг генетик шакли ва рафтори Мельбурндаги чумолилар билан қанчалар ўхшашлигидир.

Агар колониялар ўртасида тафовут катта бўлмаса, чумолилар суперколонияси Австралиянинг жанубий ҳудудларида минглаб километрга чўзилиб кетиши мумкин.