مختار مائی اپنے دِن کا آغاز مویشیوں کے باڑے کے دورے سے کرتی ہیں۔ یہ مویشی مختار مائی کے سکول پراجیکٹ کا حصہ ہیں کیونکہ اِن مویشیوں کی خرید اور باڑے کی تعمیر کینیڈین حکومت کی طرف سے دی جانے والے رقم سے ہوئی ہے۔ اس باڑے سے ہونے والی آمدنی اساتذہ کی تنخواہ اور سکول پر ہونے والے دیگر اخراجات میں استعمال ہوگی۔

ملتان میں بی بی سی اردو کے نامہ نگار ندیم سعید نے پنچائت کے حکم پر اجتماعی زیادتی کا نشانہ بننے والی مختار مائی کے ساتھ ایک دِن گزارہ اور صبح سے شام تک ان کے معمولات کا جائزہ لیا۔ ہم مختار مائی کی دن کی روداد ایک تصویری کہانی کی شکل میں پیش کر رہے ہیں۔