(Fideo cyfrwng Saesneg gyda isdeitlau Cymraeg)
(Fideo cyfrwng Saesneg gyda BSL)
(Fideo cyfrwng Saesneg gyda disgrifiad sain)
(Fideo cyfrwng Saesneg gyda BSL a disgrifiad sain)
Dysgwch beth yw pêl-droed dall gyda Martin Dougan, a Megan Brierley a Selina Prieto o Dîm Menywod Pêl-droed Dall Lloegr.
Mae pêl-droed dall yn cael ei chwarae mewn timau o bump a nod y gêm yw sgorio mwy o goliau na’r tîm arall. Mae gêm yn cael ei chwarae mewn dau hanner 20 munud o hyd.
Oherwydd bod gan wahanol chwaraewyr wahanol lefelau o olwg, i wneud y gêm yn deg, mae’r chwaraewyr yn gwisgo mwgwd (a elwir hefyd yn orchudd llygaid) fel bod pob chwaraewr yn gweld yr un peth.
Y gôl-geidwad yw’r unig chwaraewr sydd ddim yn gwisgo mwgwd ac sy’n gallu gweld yn iawn.
Mae’r bêl yn un glywadwy. Mae ratl neu gloch ynddi er mwyn i chwaraewyr allu clywed ble mae hi ar y cae. Pan fydd chwaraewyr yn mynd i daclo i gael y bêl, mae angen iddo weiddi voy (sef y gair Sbaeneg ar gyfer ‘mynd’).
Mae angen i chwaraewyr feddu ar sgiliau gwrando a chyfathrebu da, a bod yn gyflym!
