Chwyldroadau hanesyddol

Mae cymeriadau'r gyfres hon, Meg, Gethin, Jac a Meera, wedi eu sgriptio'n seiliedig ar gyfweliadau a gynhaliwyd gyda phobl ifanc go iawn o Gymru. Yn y ffilm hon, maen nhw'n ymchwilio i chwyldroadau hanesyddol pwysig yng Nghymru a’r byd, ac yn dadansoddi sut mae dehongliadau o’r digwyddiadau yma wedi newid dros amser.

Nodiadau athrawon

Cam Cynnydd 4

Mae pedwar person ifanc yn ymchwilio i chwyldroadau hanesyddol pwysig yng Nghymru a’r byd, ac yn dadansoddi sut mae dehongliadau o’r rhain wedi newid dros amser. Mae Meera, Jac, Gethin a Meg yn trafod nifer o chwyldroadau hanesyddol, o’r chwyldro Ffrainc a chwyldro Rwsia, i fudiad y Swffragetiaid a chreu'r Gwasanaeth Iechyd Gwladol (GIG). Maen nhw’n trafod beth mae’r term chwyldro’n ei olygu, yn ogystal â mathau eraill o chwyldro - gan gynnwys chwyldroadau llywodraethol, cymdeithasol a diwylliannol - ac maen nhw’n siarad am unigolion penodol er mwyn dangos ystyr chwyldro a chwyldroadwyr. Mae’r chwyldroadwyr hyn, sydd oll yn berthnasol i hanes modern Cymru, yn cynnwys Aneurin Bevan (Aelod Seneddol, a chyd-sylfaenydd y GIG); Eileen Beasley (ymgyrchydd mudiad yr iaith Gymraeg); a Margaret Haig Thomas (swffragét).

Nodiadau cwricwlwm

  • Gellid gofyn i’r myfyrwyr beth maen nhw’n ei wybod am y term chwyldro cyn gwylio’r ffilm, ac a oes ganddynt unrhyw wybodaeth y gallen nhw ei rhannu. Mewn parau, gallen nhw greu diffiniad o’r gair ‘chwyldro’ cyn gwylio’r ffilm.
  • Gellid rhoi tasg ymchwil i’r myfyrwyr a gofyn iddyn nhw ddysgu ffeithiau am nifer o chwyldroadau neu chwyldroadwyr amrywiol.
  • Gall myfyrwyr wneud gwaith ymchwil ychwanegol ar rai o'r pynciau yn y ffilm, a chreu darn o waith eu hunain.
  • Gall y myfyrwyr ddadlau: a oes rhaid i chwyldroadau fod yn dreisgar?
  • Mewn grwpiau, gall y myfyrwyr ddadlau: ai'r chwyldroadau treisgar, neu'r rhai di-drais, sydd wedi cael yr effaith fwyaf?
  • Gallai’r myfyrwyr ymchwilio beth mae’n ei olygu i fod yn chwyldroadwr.
  • Gall y myfyrwyr greu sloganau i gyd-fynd â’r chwyldroadau sy’n cael eu trafod yn y ffilm.

Rhagor o'r gyfres hon:

Mae pedwar o bobl ifanc yn trafod chwyldroadau modern, o’r Dwyrain Canol i Gymru.

Chwyldroadau modern

Caiff pedwar o bobl ifanc o Gymru eu cyfweld ar eu hargraffiadau cyntaf o’i gilydd.

Argraffiadau cyntaf

Mae pedwar o bobl ifanc o Gymru yn trafod newid hunaniaeth a newid barn.

Newid hunaniaeth