You’re viewing a text-only version of this website that uses less data. View the main version of the website including all images and videos.
பிபிசியின் 2019ஆம் ஆண்டுக்கான சிறந்த இந்திய வீராங்கனை விருதுக்கு தேர்வு செய்யப்பட்டவர் யார் என்பது சர்வதேச மகளிர் தினமான இன்று அறிவிக்கப்பட உள்ளது.
இந்த விருதை பெறுவதை மகிழ்ச்சி கொள்கிறேன். பிபிசிக்கும், எனக்கு வாக்களித்த அனைவருக்கும் நன்றிகள். இந்த விருதை என்னுடைய ஆதரவாளர்களுக்கு சமர்ப்பிக்கிறேன். பெண்கள், தங்கள் மீது நம்பிக்கை கொள்ள வேண்டும். அப்படி செய்தால், நாம் முன்னேறலாம், நாட்டிற்காக பல விருதுகளை பெறலாம். இந்த மாதிரியான விருதுகள் எங்களுக்கு மிகப்பெரிய உத்வேகத்தை அளிக்கின்றன. மேன்மேலும் பல சாதனைகளை படைக்க எங்களுக்கு ஊக்கமளிக்கின்றன. நன்றிகள்.
பிபிசியின் 2019ஆம் ஆண்டுக்கான சிறந்த இந்திய விளையாட்டு வீராங்கனை பேட்மிண்டன் வீராங்கனை பி.வி.சிந்து தேர்வு
இந்திய பேட்மின்டன் வீராங்கனை பி.வி. சிந்து, 'பிபிசியின் சிறந்த இந்திய விளையாட்டு வீராங்கனை 2019' விருதுக்கு தேர்ந்தெடுக்கப்பட்டுள்ளார். கடந்த 2019-ஆம் ஆண்டு, சுவிட்சர்லாந்தின் பேசல் நகரில் நடைபெற்ற உலக பேட்மின்டன் சாம்பியன்ஷிப் போட்டியில் தங்கம் வென்று, அந்தப் பதக்கத்தை வென்ற முதல் இந்தியர் என்ற பெருமையைப் பெற்றார் பி.வி. சிந்து (புசர்ல வெங்கட சிந்து). இந்த விருதை வென்றது குறித்து கருத்துத் தெரிவித்த சிந்து, "இந்த விருதை வென்றது குறித்து நான் மிகுந்த மகிழ்ச்சியடைகிறேன். பிபிசியின் சிறந்த விளையாட்டு வீராங்கனை விருதுக்கான விழாக் குழுவினரை நான் பாராட்டுகிறேன். இத்தகைய சிறப்பான முன்னெடுப்பை மேற்கொண்ட பிபிசி இந்தியாவுக்கும், எனது ரசிகர்களுக்கும் நான் நன்றி தெரிவிக்க கடமைப்பட்டுள்ளேன்", என்று தெரிவித்தார். பி.வி சிந்து, இதுவரை ஐந்து உலக சாம்பியன்ஷிப் பதக்கங்களை வென்றுள்ளார். ஒலிம்பிக் ஒற்றையர் பேட்மின்டன் போட்டியில் வெள்ளிப் பதக்கம் வென்ற முதல் இந்தியரும் சிந்துதான்.
விரிவாகப் படிக்க: https://www.bbc.com/tamil/sport-51790882
“நான் மகளிர் தினத்தன்று இங்கு உங்களுடன் இருப்பது மகிழ்ச்சி அளிக்கிறது. நான் என் 13 வயதில் விளையாட்டு துறைக்குள் நுழைந்தேன். 1977ல் இருந்து 2000 வரை இந்தியாவிற்காக சர்வதேச அளவில் 103 பதக்கங்களை வென்றுள்ளேன். ஒலிம்பிக்கில் பதக்கம் பெரும் இறுதி சுற்று வரை வென்றேன், ஆனால் இறுதியில் வாய்ப்பும் அனுபவமும் இல்லாததால் பதக்கம் வெல்ல முடியவில்லை. ரயில்வே லைனை அருகேயும் கடற்கரை ஓரமும் தான் பயிற்சி செய்வேன். ஆனால் தற்போது அந்த நிலை மாறியுள்ளது. நம் தடகள வீரர்கள் எதிர்காலத்தில் நிச்சயம் ஒலிம்பிக் பதக்கம் வெல்வார்கள் என நம்புகிறேன். 2000ம் ஆண்டு தடகளத்தில் இருந்து ஒய்வு பெற்ற பிறகு, உஷா ஸ்குள் ஆப் அத்திலெட்ஸ் என்ற பயிற்சி பள்ளியை துவங்கினேன். தடகள பயிற்சி பெரும் மாணவர்களுக்கு அனைத்து வசதிகளையும் இலவசமாக வழங்குகிறோம். இதுவரை என் பயிற்சி பள்ளியில் இருந்து விளையாட சென்ற மாணவர்கள் 71 சர்வதேச பதக்கங்களை வென்றுள்ளனர், 8 சர்வதேச விளையாட்டு வீரர்களை உருவாக்கியுள்ளேன். ஒலிம்பிக் பதக்கம் வெல்வதே எங்களின் பெரிய கனவு. இதற்கு உங்கள் ஆதரவு கிடைக்கும் என நம்புகிறேன். வாழ்நாள் சாதனையாளர் விருது வழங்கிய பிபிசி க்கு என் நன்றிகளை தெரிவித்துக்கொள்கிறேன். உண்மையில் பெருமைப்படுகிறேன்.” - பிபிசியின் 2019ஆம் ஆண்டுக்கான சிறந்த இந்திய விளையாட்டு வீராங்கனையை அறிவிக்கும் விழாவில் வாழ்நாள் சாதனையாளர் விருதை பெற்ற மூத்த தடகள வீராங்கனை பி.டி.உஷா
“நான் மிகவும் வறுமையான குடும்பத்திலிருந்து வந்தேன். என் குடும்பத்தில் 9 பேர் இருந்தோம். என் சகோதரி, நன்றாக ஓடு, ஒரு வேலையை தேடிக்கொண்டு குடும்பத்தின் சூழலை உயர்த்து என்றார். என்னுடைய சூழலை உலகிற்கு எடுத்து கூறியதற்கு பிபிசிக்கு நன்றி தெரிவித்துக்கொள்கிறேன். நான் நதிகளின் அருகில் யாரும் பார்க்காத இடத்தில் ஓடினேன். சாப்பிடுவதற்கு என்று எதுவும் பெரிதாக கிடைக்கவில்லை. எனக்கு ஒரே குறிக்கோள் தான். பி.டி.உஷா போல ஓடவேண்டும். என் நாட்டிற்கு பெருமை தேடி தரவேண்டும். இதுவரை 100மீ ஓட்டத்தில், என்னுடைய ரெக்கார்டை நானே 10 முறை முறியடித்துள்ளேன். என்னுடைய பாலினம் குறித்த கேள்விகள் எழுந்த நேரம் மிகவும் கடுமையாக இருந்தது. ஆனாலும் நான் அதைத்தாண்டி வந்தேன்” விருதுக்கு பரிந்துரைக்கப்பட்ட தூத்தி சந்த்
“எங்கள் வீட்டில் நாங்கள் 9 பேர் இருந்தோம். படிப்பதற்கு பணம் இல்லை. நீ ஓடினால், நம் குடும்பம் முன்னேறும் என்று என் சகோதரி கூறினார். ஓடும்போது, எனக்கு சற்று தயக்கம் இருந்தது. எங்கள் கிராமத்தில் யாரும் ஓட மாட்டார்கள். பெண்கள் வீட்டு வேலை மட்டுமே செய்வார்கள். நான் அவர்கள் திட்டுவதை பார்த்து ஓடமாட்டேன் என்று கூறினேன். அம்மா என்னை அழைத்து அப்படியல்ல நீ ஓடு என்று ஊக்கமளித்தார். சாலை அல்லது ஆற்றங்கரையில் நான் ஓடினேன். எனக்கு நன்கு ஓட வேண்டும்,” - விருதுக்கு பரிந்துரைக்கப்பட்ட தூத்தி சந்த்
இந்திய பிரதமரின் ஆசைப்படி, இந்தியாவை விளையாட்டில் மிகப்பெரிய சக்தியாக உருவாக்குவோம். அனைத்து வீரர்களுக்காகவும், என் முகவரியின் கதவுகள் திறந்தே இருக்கும். -- மத்திய விளையாட்டுத்துறை அமைச்சர் கிரண் ரிஜிஜூ
டோக்கியோ ஒலிம்பிக்கிற்கு மிகப்பெரிய வீரர்கள் குழுவை அனுப்ப உள்ளோம் என்பதில் நான் உற்சாகமாக உள்ளேன். 2028 எல்.ஏ ஒலிம்பிக்கிற்குள், இந்திய முதல் 10 இடங்களில் இருக்க வேண்டும் என்ற மிகப்பெரிய குறிக்கோளை வைத்துள்ளோம் - மத்திய விளையாட்டுத்துறை அமைச்சர் கிரண் ரிஜிஜூ
நம் நாட்டில் பல ஆண்டுகளாக விளையாட்டிற்கான பாரம்பரியம் இருந்தாலும், அதை ஒரு கலாசாரமாக இந்தியாவில் இன்னும் நம்மால் கொண்டுவர முடியவில்லை. கடந்த 3 மாதங்களில், கேலோ இந்தியா விளையாட்டுகளை நாங்கள் ஒருங்கிணைத்தோம். முதன்முறையாக காஷ்மீரில் கேலோ இந்தியா நிகழ்ச்சிகள் குல்மர்கில் நடந்து வருகிறது. எங்களிடம் திறமையானவர்கள் இருக்கிறார்கள். விளையாட்டை ஒரு வேலை வாய்ப்பாக உருவாக்க வேண்டும்.எந்த ஒரு இந்தியர், இந்தியாவிற்கு விளையாடி இருந்தாலும், அவர் ஓய்வு பெற்ற பிறகு, அவருக்கான தேவைகளை இந்தியா பார்த்துக்கொள்ளும். - மத்திய விளையாட்டுத்துறை அமைச்சர் கிரண் ரிஜிஜூ
பிபிசி உலக சேவையின் இயக்குநர் குடும்பம் மற்றும் பிபிசிக்கு அடுத்து எனக்கு விளையாட்டில்தான் பேரார்வம் - ஜெமி ஆங்கஸ், பிபிசி உலக சேவையின் இயக்குநர்
பிபிசியின் 2019ஆம் ஆண்டுக்கான சிறந்த இந்திய விளையாட்டு வீராங்கனையை அறிவிக்கும் விழாவில் பிபிசியின் Director General டோனி ஹாலுடன் இந்தியாவின் மூத்த தடகள வீராங்கனை பி.டி.உஷா
கெளஹாத்தியில் நடைபெற்ற கேலோ இந்தியா இளைஞர் விளையாட்டுப் போட்டியில் 16 வயது ஜிம்னாஸ்டிக் வீராங்கனை பிரியங்கா தாஸ் குப்தா நான்கு தங்கப் பதக்கங்களை வென்றுள்ளார்.
இந்தியாவின் புகழ்பெற்ற ஜிம்னாஸ்டிக் வீராங்கனை தீபா கர்மாகரின் மாநிலமான திரிபுராவைச் சேர்ந்தவர் பிரியங்கா. தீபா கர்மாகரின் பயிற்சியாளர் பிஷேஸ்வர் நந்தி என்பவர்தான் அவருக்கு பயிற்சி அளித்து வருகிறார்.
விரிவாகப் படிக்க இந்த இணைப்பை கிளிக் செய்யவும்
பிபிசியின் 2019ஆம் ஆண்டுக்கான சிறந்த இந்திய விளையாட்டு வீராங்கனையை அறிவிக்கும் விழாவில் மத்திய விளையாட்டுத்துறை அமைச்சர் கிரண் ரிஜிஜூ
