Xaaladda dhalinyaradda Soomaalida ah ee ku xiran xabsiyadda Maraykanka

Safaaradda Soomaaliya ee Mareykanka ayaa ka hadashay xaaladda dhalinyaro Soomaali ah oo ku xiran xabsiyadda dalkaasi, ka dib markii ay tahriib halkaasi ku galeen, loona diiday in la aqbalo codsigooda megangalyo doonka ah.

Safiirka Soomaaliya u fadhiya Washington, Axmed Ciise Cawad, ayaa BBC-da u xaqiijiyay in 378 muhaajiriin Soomaali ah ay ku xiran yihiin dalka Mareykanka, waxa uuna safiirka beeniyay warar sheegayay in safaaraddu ay dowladda dalkaasi kula talisay in dhalinyaradaasi lagu celiyo Soomaaliya.

Safiirka ayaa waxa uu u warramay Xasan Cali Geele oo marka hore weydiiyay xaaladda noolasha dhalinyaradaasi.