BBC News, Somali
U gudub qaybta macluumaadka

You’re viewing a text-only version of this website that uses less data. View the main version of the website including all images and videos.

Take me to the main website

Senegal oo ku guuleystay tartanka Koobka Qaramada Afrika

Toos ciyaarta kama danbaysta ee Koobka Qaaradda Afrika

Tebin toos ah

  1. Senegal oo hanatay koobka Qaramada Africa

    Koobka waxaa loo gacan geliyay Kalidou Koulibaly, kabtanka ka maqnaa ciyaarta caawa sababo la xidhiidha ganaax. Isagu wuxuu u dhiibay Sadio Mané, kaas oo kor ugu qaaday cirka isaga oo si guul leh u qaylinaya. Senegal ayaa markale hanatay koobka Qaaradda Afrika.

    Ciyaartooyda reer Senegal ayaa sawirro ku galaya koobka iyaga oo qaarkood garoonka farxad la dhex roorayaan, waxay dhigeen taariikh baal dahab ah ugu qornaan doonta qarankooda kadib markii ay garaaceen xulkii koobka martigelinaayay.

  2. Sadio Mane oo ku guuleystay abaalmarinta xidigga tartanka

    Sababtoo ah dhiirrigelinta uu siiyay kooxdiisa oo ay ku gaareen guul aan la filayn, Sadio Mané ee Senegal ayaa lagu guddoonsiiyay abaalmarinta shakhsiga ugu sharafta badan tartanka.

    Saddexda ku guuleystay oo kala ah Diaz, Mané iyo Bounou ayaa markaas istaagay masraxa iyaga oo sawirro ku galay halkaas

  3. Bounou, Brahim Diaz oo abaalmarino la guddoonsiiyay

    Kadib markii uu dhaliyay shan gool oo ay ku hogaaminayeen finalka koobkan,waxa abaal marinta la gudoonsiiyay xiddiga Real Madrid Brahim Diaz.

    Waxaa sidoo kale isna abaalmarin la gudoonsiiyay Bounou

  4. Ciyaaryahankii hore ee Morocco,

    Waxa aan wax walba ka jecelahay ciyaaryahanka kaliya ee ka socda kooxda Senegal waa Sadio Mane. Taasi waxay ku tusinaysaa ninka wayn ee uu yahay. Waxa uu ku laabtay qolka labiska oo uu soo celiyay ciyaartooyda qarankiisa.

    Kubadda cagta Afrika way sii lumaysay, sidoo kale kubadda cagta adduunkuna way baa'ba'aysay. Sadio Mané ayaa ahaa ninkii dib ugu soo celiyay iftiinka iyo rajada.

    Ciyaaryahankii hore ee Morocco - Hassan Kachloul

  5. Senegal ayaa soo afjartay rejadii Morocco ee ku guuleysiga koobkii ay marti gelinaysay

    Inkasta oo dhammaadkii waqtiga caadiga ah uu ahaa mid muran iyo qalalaase badan leh, Senegal ayaa ku guulaysatay kama dambayntii ciyaartan kama dambaysta ah ee aadka u xamaasadda badnayd.

    Goolkii uu Pape Gueye dhaliyay waqtiga dheeriga ah ayaa si rasmi ah u go’aamiyay natiijada, inkasta oo labada dhinacba ay heleen fursado badan oo ay goolal ku dhalin kareen intii ay ciyaartu soco

  6. Roob hadheeyay Rabaat, farxadda reer Senegal iyo baroorta Morroco

    Caasimadda dalka Morocco ee Rabat oo martigelinaysay ciyaartii ugu danbaysay ee koobka Qaramada Africa waxaa caawa ka da'aya roob dabiici ah, roob baroor ah iyo roob sadexaad oo farxad ah. Labada arrin ee kala duwana waa in roobku caawa dadi karo ilinta kala dareenka ah.

  7. Senegal oo ku guuleystay koobka Qaaradda Africa

    Senegal ayaa ugu danbayn ku guuleysatay Koobka Qaramada Afrika 2025 iyaga oo ka adkaaday Morocco. Ciyaartoyda ayaa waxaa ka muuqatay farxad iyadoo Mane uu u ordayay dabaal degga dhanka geesta.

  8. Saddex daqiiqo ayaa lagu daray.

    Daqiiqadda 121: Saddex daqiiqo ayaa ka harsan Afcon 2025, kadibna waxaa kala cadaan doonto ku guuleystayaasha AFCON 2026

  9. Senegal mar labaad maku guuleysanaysaa AFCON

    Xulka qaranka Senegal ayaa hal gacan ku haysta koobka qaramada Afrika iyada oo ay ka hadhsan tahay wax ka yar shan daqiiqo waqtigii dheeriga ahaa.

  10. Senegal oo gool kale sigtay dhalintiisa

    Daqiiqadda 114aad: Roob xooggan ayaa ka da’aya Rabat, taasoo sii kordhinaysa xiisaha ciyaartan waalan ee kama dambaysta ah. Morocco ayaa si buuxda u maamulaysay tan iyo markii ciyaartu dib u bilaabatay.

  11. Wakthiga dheeriga maxuu keeni doonaa?

    Qeybtii labaad ee waqtiga dheeriga ah ayaa socota. Taageerayaasha Senegal ayaa aad u faraxsan waqtigan, Halka Morroco doonayso in ciyaarta libta xageeda u weeciso. Senegal waxay samaysay isbedel iyadoo Ismail Jakobs uu u soo galay Diouf.

  12. Libtu waxay u muuqataa mid u janjeedhsanaysa dhanka Senegal

    Rigooradaas ka dib, libtu waxaad moodaa mid u janjeedhsanaysa dhanka Senegal waxayna ku bilowdeen si aad u iftiimaya. Gool qurux badan.

    Shan iyo toban daqiiqo oo kale ayaa ka haray finalka Afcon ee ugu yaabka badan.

  13. Xaamasadda ciyaarta

    Ma jiro tartan ka fiican adduunka! Madadaalada, buuqa, taageerayaasha, muranka, iyo kartida baaxadda leh.

  14. Mendy oo dagaalamaya

    Ka dib markii Ezzalzouli uu isku dayay inuu karoos ka soo qaado dhanka midig ee diilinta ganaaxa, Mendy ayaa awood u yeesha in uu kubadda ka hortago

  15. Senegal 1-0 Morocco GOOOOOOOOOOOOOOOOOOOL

    Senegal ayaa dhalisay gool waxaana goolka dhaliyay Papa Gueye

  16. Wakhtigii dheeriga ahaa oo la aaday

    Waxaa caawa dhacaysaa waa mid ka mid ah taariikhda dhammaadka koobka Qaaradda Afrika tii ugu cajiibsanayd, waxaa hadda la aaday wakhtigii dheeriga ahaa kaas oo labada kooxoodba ay ku legdamayaan hanashada Koobka Qaaradda Afrika ee sanadkaan.

  17. War deg deg ah, Gool ku laadkii oo aan la dhalin

    Senegal 0-0 Morocco ayay maraysaa gool ku laadkii muranka dhaliyayna lama dhalin. Labada dal mid walba hal mar oo kaliya ayay hore u qaadeen koobka – Morocco sanadkii 1976, halka Senegal ay qaaday 2021.

  18. War deg deg ah, Brahim Diaz

    Brahim Diaz ayaa samaynaya gool ku laadka muranka dhaliyay ee ay heleen Morroco

  19. Qaar kamid ah ciyaartooyda Senegal oo garoonka isaga baxay

    Ciyaartooyda reer Senegal ayaa badhkoodh la arkaayaa iyagoo garoonka ka baxaya, Sadio Mane ayaase isku dayaya in uu ka dhaadhiciyo in ay garoonka kusoo noqdaan.

  20. Waxaan u maleynayaa inay ahayd mid dabacsan

    Waxaan u maleynayaa inay ahayd fal nacasnimo iyo taxaddar-la’aan ah oo uu sameeyay El Hadji Malick Diouf, balse go’aanka waa la qaatay, ciyaartoyduna waa inay u hoggaansamaan.

    Wax kasta oo hadda dhaca ma aha muuqaal wanaagsan oo u ah kubadda cagta Afrika.

    ayuu yidhi Efan Ekoku weeraryahankii hore ee reer Nayjeeriya