Sèist:
Ailein Duinn, ò hì shiùbhlainn leat
Hì ri rì ò hi o ho
Haoireann ò ho o hì o ho o
Ailein Duinn, ò hì shiùbhlainn leat.

Chuala mi gun deach thu thairis
Air a' bhàta chaol, dhubh, dharaich.

Ailein Duinn ò hì shiùbhlainn leat.

Gura truagh nach mi bha làmh riut
G' e b' e tiùrr' am fàg an làn thu.

[Sèist]

Dh'òlainn deoch g' e b' oil lem chàirdibh
Cha b'ann do bhùrn no do shàile.

Ailein Duinn ò hì shiùbhlainn leat.

No do dh'fhìon dearg na Spàinne
Ach a dh'fhuil do chuim, 's i b' fhèarr leam.

[Sèist]

M' achanaich-sa, Rìgh na Cathrach
Gun mi dhol an ùir non anart.

Ailein Duinn ò hì shiùbhlainn leat.

An talamh toll non àite falaich
Ach sa bhall an deach thu, Ailein!

Ailein Duinn ò hì shiùbhlainn leat.

[Sèist]

Èist ri Màiri Morrison a' còmhradh mun òran seo.