Earrann Sìona Ag Atharrachadh

22mh Dùbhlachd 2008, Seònaid NicIomhair

Halò. Chaidh earrann ùr a chur ri làrach-lìn Sealladh air Sìona feasgar. 'S e Sìona Ag Atharrachadh a th' air. Tha fiosrachadh ann mu chuspairean a tha cudromach ann an Sìona an-diugh mar, An Àrainneachd & Lùth, Atharrachaidhean Poilitigeach agus Dòighean-beatha ag atharrachadh.

Gheibh thu air beachdan dhaoine a tha a' fuireach anns an dùthaich a leughadh. Tha pìosan fiosrachaidh goirid an cois gach cuspair cuideachd. An robh fios agad mar eisimpleir gu bheil còrr air 5.5 millean tidsear bun-sgoil ann an Sìona? Tha barrachd an sin na tha de dhaoine a' fuireach ann an Alba gu lèir.

'S e Sìona Ag Atharrachadh am pàirt mu dheireadh a bhios a' dol ri làrach-lìn Sealladh air Sìona. Mar sin, bheir mise soraidh leibh an-dràsta. Tha an sgioba riochdachaidh a thog agus a dh' obraich air an làraich a-nis a' gluasad a dh' obair air measgachadh de làraich-lìn eile. 'S dòcha gun tadhal thu air feadhainn aca nuair a tha iad deiseil. San eadar-ama, tha mi an dòchas gun còrd Sealladh air Sìona ribh.