Eòlas gu tur eadar-dhealaichte

26mh Cèitean 2008, Gerald

As dèidh cofhurtachd Bheijing le a taighean-òsta mòra, taighean-bìdh ùra agus gleans Olimpigeach, tha Dengfend (an àite filmidh airson sgoil Kung Fu Shaolin) na dhùbhlan.

'S e pàirt nas bochda de Shìona a tha seo. Cha mhòr gu bheil Beurla air a bhruidhinn idir, mar sin feumaidh sinn a' chùis a dhèanamh leis a' bheagan Mandarin a th' againn. 'S e fear de na rudan ris nach eil mi a' fàs cleachdte - a bharrachd air na smugailtean - [faic na sgrìobh Maria gu h-ìosal] gu bheil mòran dhaoine a' coimhead oirnn oir chan eil iad air daoine bhon iar fhaicinn cho tric ri sin. Leis an fhìrinn innse tha mi a' faireachdainn rudeigin coimheach an seo agus tha criutha slàn còmhla rium! Tha e uabhasach, uill, Sìonach.

Tha mi cinneatach g' eil mi a' tighinn tarsainn mar Shiarach a th' air a mhilleadh ag ràdh seo. Tha bhith ann an àite gu tur eadar-dhealaichte mar seo a' cur nam chuimhne cho fortanach agus a tha mi. Ach bhithinn ag innse nam breug nan canainn gu bheil e furasta an seo.

Gus crìochnachadh air puing nas dòchasaich, tha mi air mothachadh gu bheil faireachdainn làidir de chàirdeas ann an Denfeng. Gu tur eadar-dhealaichte bho Bheijing. Nuair a thuiteas an oidhche bidh daoine, sean agus òga a' cruinneachadh air an t-sràid a chòmhradh, a dh'ithe agus a ghàireachdainn.

Tha mi toilichte gu bheil mi air Dengfend fhaicinn.

Dè am fuaim a tha siud?

26mh Cèitean 2008, Maria

Tha fuaim àraid ùr na mhac-talla tro shràidean Denfeng. Chuala mi turas no dhà e ann am Beijing, ach fad às. Chunnaic (agus chuala) mi e ga dhèanamh le fireannaich a-mhàin ach chaidh innse dhomh gum bi boireannaich ga dhèanamh cuideachd. Fuaim na th' ann an sròinean, sgòrnain agus math dh'fhaodhte stamaig dhaoine gan smugadanaich gu talamh le neart!

Anns an taigh-òsta, tha smugailt ga thilgeil a bhucaid no gu dearbh soitheach sam bith air a bheil coltas freagarrach. Gaoireiseachaidh mi a' smaoineachadh air sluagh le cnatain sa gheamhradh. Tha e annasach gu bheil dùthaich a tha cho mionaideach mu mhodh a' gabhail ri bhith tilgeil smugailt ann an àiteachan poblach. Ach tha agus feumaidh mise sgur de bhith a' tionndadh mo shròin suas ris.