Còmhraidhean Doirbh

23mh Cèitean 2008, Gerald

Uaireannan, feumaidh còmhradh doirbh a bhith agad. Tha e nas fhasa an seachnadh ach tha mi air ionnsachadh gu bheil e tòrr nas fheàrr a dhèanamh agus fhaighinn a-mach às an rathad.

Bha fear de na chòmhraidhean sin againn an-diugh. Bha a h-uile duine sgìth as dèidh tòiseachadh tràth dhà no thrì laithean sreath a chèile agus bha faireachdainn neònach ann. Mar sin, ro dheireadh an latha, bhruidhinn mi-fhìn agus Maria ris a' chriutha. Dh' inns sinn dhaibh cho math 's a bha e a' còrdadh rinn a bhith ag obair an seo agus cho toilichte 's a bha sinn le an cuid-obrach ach gu robh sinn a' faighinn cùisean rudeigin doirbh.

Às dèidh còmhradh a bha rudeigin mì-chofurtail, tha mi an dòchas gu bheil tuigse nas fheàrr againn de chèile a-nis. Chì sinn a-màireach, an dàrna latha againn a' filmeadh còmhla ris an teaghlach.

Sgàthan, sgàthan air a' bhalla . . .

23mh Cèitean 2008, Maria

An-diugh, cha mhòr nach robh faileasan sa h-uile dealbh a dh' fheuch sinn ri thogail. Nuair a tha uinneag no sgàthan faisg air a' chamara, feumaidh tu dèanamh cinnteach nach fhaic duine d' fhaileas annta san film.

Bha sinn a' filmeadh air beulaibh preasan cidsin glainne, dorsan meatailt, ballachan glainne taobh a-staigh lioft, taobh a-staigh carbaid agus flat le uinneagan mòra. Bha iad sin gu sònraichte duilich nuair a dh' fhàs e dorch.

A bharrachd air a bhith a' gluasad a' chamara, no a' cur nan solas air/dheth airson faighinn seachad air trioblaidhean mar seo, uaireannan nì e a' chùis na cùirtearan a dhùnadh.

Seo mi ann am Beijing

23mh Cèitean 2008, Alasdair

Seo a' chiad bhidio bho Alasdair is e air Beijing a ruighinn.

To play this video you require Flash. Find out more about the Adobe Flash player.