Cynigion ychwanegol:

Cwpled caeth yn cynnwys y gair 'arf'

Arf all dawelu tyrfa
yn ddios yw llinell dda.
Rhaid hogi'r Gillette eto
i wneud arf at ei farf o.
er cof am Merfyn Williams, yr amgylcheddwr o Gwm Croesor
Mae arf dadleuon Merfyn
yn ddwfn yn y tiroedd hyn.
Bom ar ôl bom yn ddi-ball,
yfory daw arf arall.

Pennill mawl neu ddychan: Iechyd a Diogelwch

Diogel ym mreichiau'r Iesu un waith,
ond heddiw, rhaid gwarchod ein plant;
a rhoi, rhoi yn gyson a fu'r ffynnon fach
ond heddiw d?r potel T? Nant;
ceir ll'goden amgenach a gwe heb bry' cop
yn lân o bob clefyd a chlwy';
i-pod a web-cam, Nintendo a sgrîn
a wna sawl pen-ôl yn ben mwy.
Os Zach sydd â llais uchel - yn cyrraedd
pob côr yn y capel,
un yn uwch a fyn na wêl
ei eiriau ar yr oriel.

Englyn yn cynnwys tri lliw gwahanol

Llyfr Du Caerfyrddin

Unwaith, yn s?n y canu, - a Lladin
yr Urdd Llwyd o'r neilltu,
un bluen fu'n 'sgrifennu:
ganed iaith mewn gwyn a du.

Dyn yw dyn
Ni wyddom ai du Adda, - ai un wen,
ran hynny, yw Efa;
yn y ddau, mi wn yn dda
rhudd ydyw'r gwaed a dreiddia.

Limrig yn ymwneud â chrefydd

Bu rhwyg mawr yng nghapel Engedi,
a chodwyd lle gwell i addoli;
a nawr mae yr wyrion
yr un blydi gwirion
yn gwrthod yn glir â chymodi.
Gwell ydyw gweddïo'n y dirgel
mewn stafell neu lecyn bach tawel
yn lle gyda bloedd
a hynny ar goedd
yn uchel ein cloch yn y capel.
Ein crefydd yw gwario a gwario
yn nhemlau bargeinion, heb beidio;
fe wariwn bob punt
ynghynt ac yn gynt,
nes gorffen yn skint, a sobreiddio.
Roedd Dafydd yn ddiacon Batus
a Methodist ronc oedd y Musus;
ond wedi rhyw ffracas,
aeth y plant yn Jehofas -
y cwbwl ond Sioni, mae'n lwcus.

Cywydd (heb fod dros 12 llinell): Llofruddiaeth

I Roy

Dditectif diedifar,
Roy'r iaith hon yw'n cyfraith wâr;
Roy'r gell, Roy'r gyllell, a'r gwr
sydd yn ieithydd-gyfreithiwr.
Roy'r mwrdwr a'r myfyrdod,
dau o fewn ei waed i fod;
Cain ac Abel; Roy'r heliwr,
plismon caneuon o wr.
Roy'r briwiau heibio i'r ywen,
noson y llafn; trynsiwn llên!
Roy'r arch sydd yn ein gwarchod,
Roy dal, Roy'r sgandal, Roy'r Sgwod.

I Roy
Y bardd sy'n byw ar y bît
a bobi'n byw ei habit;
gwyn y gwêl bennill telyn,
dwed o hyd am feiau dyn;
englyn yn sôn am angladd
neu y blôc sydd heb ei ladd;
llawenydd a llofruddiaeth,
y trai a llanw y traeth.
Yn dawel mae'n dweud celwydd,
Roy yw'r un sy'n twyllo'n rhydd,
heno'r cop, un hanner call,
a 'deryn y Sgwod arall.

deialog rhwng bargyfreithwr y diffynnydd (Dafydd Williams) a heddwas yr erlyniad (Roy Davies) mewn llys

DW Heddwas, o flaen y deuddeg a Duw, rho di'r ffeithiau'n deg.
RD Ei ffawd oedd ergyd i'w phena hwn a fu ei chynnen.
DW Ai gwirion dy dystion di?
RD Ganed i wneud drygionia'i drais yn ei waed a red; dyn euog . . .
DW . . . na, diniwed!
RD Olion bysedd troseddwr,hwn sydd ar fai . . .
DW . . . sa' i mor si?r.
RD Bwystfil a baril y bedd!
DW Rho inni y gwirionedd!

Cân (heb fod dros 20 llinell): Yr Ymddeoliad

Bu mor ddefnyddiol hyd ei hoes heb un gair croes o gwbwl,
yn gymorth parod hawdd ei gael mor hael i ddyn mewn trwbwl;
ni fyddai byth yn dwedyd 'Na' trwy gydol ha' neu aeaf,
un ufudd oedd Camilla fwyn â'i swyn wrth edrych arnaf.
Fe ddeuai ataf, ar fy llw, ond galw'i henw unwaith,
a cherddai wrth fy ochor i fel cymar imi'n berffaith,
ei phen yn uchel yn yr aer, ('r hen chwaer oedd mor urddasol)
wrth gael ei chwmni gyda'r nos yn cerdded rhos Ffostrasol.
Wrth ei brochgáu cawn innau hwyl ar ddiwrnod g?yl mewn afiaith,
ar dywydd teg, mewn gwynt neu law, tu fewn i'r claw' bûm ganwaith
yn joio yn y borfa fras tan awyr las y nawnddydd,
yng nghwmni'n gilydd drwy'r prynhawn yn ddedwydd iawn hyd hwyrddydd.
Ond heno mae y gaseg wen â'i phen yn ddigon isel,
a thrist yw gweld mor wag yw'r stâl, a'r stabal sydd mor dawel;
i'r borfa aeth Camilla lân fel bu o'r bla'n, ond heddi,
nid yn ei chyfrwy hi y mae, ond yn y cae yn pori.

Englyn Cywaith: Albwm Lluniau

Plentyn a'i gyfrifiadurYno'n rhes mae s?n hwre - a gwenuFu gynnau'n ei gamre,Mor glyfar ydyw chwareCd Rom ei stori e.

Telyneg: Ffair

Mynychwyr rhyw gyfeddach
sy'n cynnwrf yn y gw?dd
o'r masarn ac o'r deri
i bentymora'n rhydd.
Agorwyd llawer cwpwrdd
er cael y dewis iawn,
bydd Morus yma'n hebrwng
ei ddawnswyr cyn y pnawn.
Patrymau coch a melyn
yn gwasgar a chrynhoi
fel arian byw o liwiau
heb foment i din-droi.
Ond Ifan yn ystrywgar
ddaeth i ddiflasu'r hwyl;
rhaid aros blwyddyn arall
cyn gwelwn eto ?yl.