Cynigion ychwanegol:

Cwpled caeth yn cynnwys math o dywydd:

Dall a chaeth does gwaeth ar gwch
Na niwl i greu anialwch.

Daw ar geirios hwyrnos haf
Guriad y cenllysg oeraf

Ael mam fu'r dafol i mi
A'r reiat wedi rhewi!

Pennill Mawl/Dychan: 'Celfyddyd Fodern':

'Hwyrnos a gwawr yn ymrafal'
Oedd hanfod cerfluniau Huw Cynwal
Ni ddalltai Now Wyn
Am ryw bethau fel hyn
Ac fe'i taflodd i'r bin efo'r sbwriel.

I un mor c?l, ei adwaith
Oedd sgrechian 'Cerwch ymaith'
A'r plant i gyd
Yn da'll dim byd
'di cerdded drwy ei gampwaith.

Mewn cornel yn oriel y Llyfrgell
Roedd dafad 'di'w phiclo mewn pabell
"Os di honna werth mil"
Medda Robin Bryn Cil
"Mi biclai bob un o fy nadell"

Celfyddyd fodern
Ai enfys ym Mehefin
A ddaw o law rhyw ddewin
Neu fydd y lliwiau oll i gyd
Yn ddim byd ond cyw drycin.

Mewn hen fath y safai, yn tywallt slyri
Yn gymysg gyda cyri dros ei bronne;
Roedd y teitl wedi'i sbreio ar ei welis:
'Ail-ymweld â Lilis d?r gan Monet

Englyn yn cynnwys y geiriau: 'Ni chaf'

Y Cynghorydd Cynllunio

Am mai yn siop y mwyaf - y mae'r jam
A'r jobs mewn aruchaf
Bwyllgor na chyngor, ni chaf
Roi lle i'r siopwr lleol.

Cywydd (heb fod dros 12 llinell): Deddf

Mae pob gorwel fel a fu
A'i etifedd yn tyfu,
I adladd ar ei droedle
Drwy haf hir o dir y De,
Yn ewynnog o'i fogel
Un ar cwch fel dur y cei,
Un hir ei ben cyn henaint
Un ar fôr a wyr ei faint
A gwarant ei dant yn dal
Hwn yw 'sgutor hen stotal,
Parchu mae ei fae o fôr
A gweddu i'w egwyddor.

Efallai yn Nhrefollwyn
Heibio'r allt, a'r tociau brwyn
Yn cosi glas Picasso;
A'i law ieuanc clywi o
Yn rhoi tant nes suo'r t?
Oes arall ei amseru.

Yna cei a'r llenni'n cau
Ym mhared y tymhorauk
Ar nos ddu ernes o'i ddwrn,
Un â'i ordd yn ei arddwrn.
Daw y don a'i stadud o,
A'i faneg, fel a fynno.

Er i'r llwch ddod o'r llechan
I fyd ei ysgrifen fân
A'i wynt o, ni ddeuent hwy
Dyn â'i lid yn weladwy.

Ond i'r lord, doi daear las
Y Tori o'r tai teras;
Yn ei blas tra twtiai'i blu,
Iasau cythlwng 'mysg gweithlu.

Yn nalen ei lechen lwyd,
Maen eu hiau, roedd mynawyd;
Ac o'i blu fe geibiai lais
I'w huodledd rhag pleidlais.

Cân(heb fod dros 20 llinell): Plant Drws Nesa:

David Glyn a Cheryl Lynne
Ag Arthur Wyn a Tessa
Robat Huw - Paham o Dduw
Fod raid 'nw fyw drws nesa'!

Jason, Wayne a Guto
Sy'n blant direidus iach
Os ddon nhw i'r ardd yma eto
Mi daga i'r ffernols bach.

Mae'r ffernols am y gora
Hyd nes berfeddian bora
Fe droiodd rhain Gwm Rhyd y Brain
Yn Sodom a Gomora.

Limrig yn ymwneud â meddyginiaeth:

Fe cerddais i mewn i'r meddygfa
Am cael meddyginiaeth rwyf yma
Mae doctor Cwm Bach
Am fy gwneud i yn iach
A rhoi i mi sach o treigliada.
Be fedrwch chi neud Docdor Marek
Mae rhywbeth ofnadwy ar Alec
Disgynnodd ei fodia'
I ffwrdd ers diwrnodia'
Mae arno fo sbotia fel Dalek.
Tyd r?an, Cadwaladr, côd!
Rhoi iti lawdriniaeth yw'r nôd,
Gan fod Dafydd Jiarat
'di rhoddi ei ffurat
I'w gadw tu mewn i'th gymod.
Dy ddeiat yw achos dy strach
Mae'n rhaid i ti fwyta yn iach
Yn lle macar?ns
Cym dyniad o br?ns
A paid mynd yn bell o'r t? bach.
Gan: R.J.Jones y meddyg
I: Dafydd Owain Meurig
I'w hwpo lan.
Dim gyrru fan.
Na thrin peirianwaith peryg.
A dyma nyrs Wilias yn gweiddi
'Professor ap Huws! Daliwch arni!
Cyn tyllu yn selog
I lawr am ei stumog
'Sa'n well i ni dynnu amdani?"
Bu'n rhechan r'ôl cyri deg punt
A'r lle dan ei sang efo'i wynt
I'r adwy daeth Maldwyn
A chanddo fo gorcyn
Y fflagon a wagiodd hi gynt.
Na fo, dyna chi William Fawr
Rhowch ora'i boeni yn awr
Mae Dafydd Huws Plymar
'Di dod efo'i shiffdar
Dowch i mi eich clymu chi lawr.
Gall pilsan Jac Huws yr apothacri
Iachau pob un salwch ar f'enaid i
Ond marw wnaeth Amos
Ar ôl cwta wythnos
Roedd angen pythefnos i'w byta hi.
Dydd Sadwrn aeth Luned gwraig Osian
I Dalwrn i weled biwtishan
Oes gennych chi jel
I fy ngwneud i yn ddel?
"Docdor dwi del dim majishan"

Englyn Cywaith: Y Tywysog Harri:
Er yfed, chwarae'r rafin, yn dy wlad
Cest lwy aur dy werin;
Ond i'w rhwyd nid ei, i'r drin
Er dy oed, mewn crud wadin