Cynigion ychwanegol:

Cwpled caeth yn cynnwys math o fwyd

Cyrri sy'n ddrwg i Carys,
I Pam, mwy ffrwydrol yw pys.

Dau wystrus mewn gwlad estron
medd Dai oedd y bai'n y bon.

Gwell pryd na dim byd i'r bol
Yw wystrys digolestrol.

Ceiniog rois am gacen gri,
Gwariais sawl punt ar gyrri.

Pennill ymson wrth weld 'Made in Wales neu 'England'

Made in England- mewn gem beldroed

Mae yno'n bytheirio'n wladgarol
croes San Sior ar ei grys o Taiwan
daeth mewn car hefo baner o'r ffenast
a'r ddau wedi'u gwneud yn Siapan.
Rhywsut y mae'n dal i gredu
fod ei Brydain yn fawr ac yn gret-
"made in England " yw'r tatoo ar ei dalcen
a'i holl osgo'n dweud "tria hi met".
Rhyfeddaf at wacter ei resymeg drud
a'i awydd i boeri at bawb sy'n y byd.

Mae llawer o bobl yn credu
Fel finnau fod gweld 'Made in Wales'
Yn rhagori ar weld 'Made in England',
Mewn difri', For England, see Wales.

Wrth syllu ar stripar ar ganol y sgrîn
'Rwy'n gweled tat? 'Made in Wales ar ei thin,
Ac wrth ddal i graffu, mi welaf yn glir
Dat?'r ochr arall sy'n dweud, 'Dal dy dir'

Mi welaf fi'r stripar yn dawnsio
Yn rhywiol ar ganol y sgrîn,
A gwelaf fod ganddi hi glamp o dat?
Yn dweud 'Made in Wales ar ei thin,
Mae'n sleifio drwy'r llenni o'r golwg
I gelu ei noethni cyn hir,
A deimlodd hi tybed fod tad neu fod mam
Yn sibrwd, 'Fy merch, dal dy dir'?

Limrig: 'I ble'r awn ar wyliau eleni?'

I ble'r awn ar wyliau eleni
Heb angen awyren an fferi
Cawn wyliau mil gwell
Heb gerdded ymhell
Yng Nghastell Dol'ddelan, a pharti.

'Roedd Twm yn ei wely yn cysgu
Pan ddeffrodd ei wraig o wrth weiddi
Yn nghlustiau ei g?r,
'Hei, Twm, dwi'm yn siwr
I ble'r awn ar wyliau eleni.

Ar wyliau y llunedd cael wisgi
A wnaethom yn nrhef Tipperary,
A Guinness a vodka
Cyn cael ein hel adra,
I ble'r awn ar wyliau eleni?

'I ble'r awn ar wyliau eleni?'
Gofynnodd 'rhen Ieuan i Rhodri,
'Digon pell o'r cynulliad'
Yw'r unig atebiad
Y meiddiai'r darllediad gyhoeddi.

Englyn Cywaith: 'Olion Bysedd'

Difywyd aelwyd dawelach - ei llofft
yn llawn ond taclusach
a phob tegan yn lanach
heb chwilfrydedd bysedd bach.

Telyneg: 'Yr Ateb'

Ers talwm
pan oedd heuliau crwn
yn fotymau melyn -
pelydrau clir yn g'leuo'r holi
a'r chwilio am orwelion pell.
Dirgelion lond y crud
- y daith yn ras hyd lwybrau glas
a chlydwch rhwng y cloddiau.
Roedd antur mewn parablu
a phob rhyfeddu'n wyn
- neu'n ddu.

Ond heno
a'r haul yn ffrwydro'n wenfflam
cyn llithro'n slei rhwng llethrau'r cwm
- mae'r gorwel yn nesau.
Atgof y cwestiynnu'n llosgi'r gwyll
a'r chwilio'n dal i gnoi.

Mae niwl o hyd rhwng gau a gwir
a'r llwybr dros y bryn
yn gul a llwyd.