Cân(heb fod yn fwy na 20 llinell): Y Gwahoddiad

Mae syniad ar led fod pob Cymro yn meddu ar lais fel Carwso,
Wel, eithriad i hynny oedd Iolo a ganai fel hen frân yn crawcio;
Ni chafodd un cyfle i leisio mewn côr nac i ganu 'run solo,
Yn wir yr oedd hyn yn ei flino ac yntau mor hoff o berfformio.
Ond yna daeth cyfle i'w ran o, oherwydd fel llywydd clwb bowlio
Bu raid i'r hen gono drafaelio i Lundain - cynhadledd oedd yno.
A dyna'i chi sioc gafodd Iolo o ddeall 'rôl cyrraedd fan honno
Mai efo oedd yr unig un Cymro ynghanol y Saeson digroeso.
Roedd dau gant o ddynion yn gryno yn eistedd o gylch y bwrdd cinio,
Bu gwledda ac wedi'r areithio a chyfle i bob un ymlacio
Gwahoddwyd pwy bynnag oedd yno i ganu neu adrodd neu action,
Ond ofer fu ceisio perswadio y Saeson i gynnig perfformio
Nes trodd yr arweinydd at Iolo, "You're Welsh why don't you give a solo?"

Ar hyn dyma'r dynion yn clapio a gweiddi am solo gan Iolo,
Wel wir roedd 'rhen Iolo 'di blesio a cherddodd yn syth ar y piano,
Ac yno y bu ef yn morio caneuon prudd glwyfus y Cymro,
Deallodd 'run enaid ei iaith o, byddarodd pob un oedd yn gwrando,
Gorffennodd ar wich o gresiendo gan syrffedu pawb oedd yn gwylio,
Ond gwelodd un dyn bach yn crio, aeth ato yn syth, "Rych chi'n Gymro?"
"No, no" meddai'r dyn "I'm no Welshman, I'm crying 'cos I'm a musician!"

Morien Phillips
8 ½ pwynt