Cwpled yn cynnwys y gair 'ofn'

Nid yw ofn ond y dafnau
Sy'n dod cyn i'r gawod gau.

Osian Rhys Jones

Pennill Ymson mewn cwch

(adeg cwpan byd)

Roedd s?n ym Mhorth Dinllaen, s?n baneri'n codi,
Scousers yno'n gwichian, Lineker yn gweiddi,
Ni fynnai aros adref yn fy myw,
Rhaid i mi fynd yn llongwr iawn ar Fflat Huw Puw.
Fflat Huw Puw yn hwylio heno,
s?n codi angor, ma' rhaid 'mi fynd i forio,
Mae s?n enw Rooney ar fy nghlyw,
Plîs ga' i fynd a dianc nawr ar Fflat Huw Puw?

Hywel Griffiths

Limrig yn ymwneud â darllen

Wrth ddarllen pêj ffôr yn y 'Sun'
Mae hi'n goblyn o anodd, wir, myn
Jiawl gweld y geirie
Gan wybod bod hithe
Yn aros tu ôl, yn ynd?n!

Owain Rhys

Ateb llinell ar y pryd:

Mae henaint yn fy mhoeni
Yn fwy fel y tyfaf i.

½ Pwynt

Telyneg:Galwad Ffôn

Yn y cwm, i brocio'r co',
Mae hen gloch yn mynnu galw, a'i hawch
Sy'n cnoi, fel s?n caneuon
Plant y plwy.

Hen ganu cloch yn bigyn clust.

Yr wyneb nad oes ei hateb yw hon,
Pwy a'i hetyb hi?
Ond gwn, fel erioed ganwaith,
Yr af er hyn i ganlyn gw?s
Y ffôn fawr, a phan af i
I'w ateb eto,

Dwed - pam wyf i, wrth glywed y gweddïau
Pell yn ei lais, yn pallu'n lân
 chredu'r un sy'r ochor draw?

Eurig Salisbury

Cynigion Ychwanegol:

Cwpled yn cynnwys y gair 'ofn'

Daw ofn yn nyfroedd dyfnion
Diog, godidog y don.

Ofni gweld d?r llyfn o'i go
Yw ofn ateb dwfn eto.

Os nad Gair Duw y clyw'r claf
Onid ofn yw'r grym dyfnaf?

Pêl o wynt yw ofn plentyn,
Yn feini daw ofnau dyn.

Pennill Ymson mewn cwch

Bûm i â'm rhwyf yn troi a throi
Mewn cylchoedd am yn hir,
Ond pe bai 'nghyfaill gyda mi
Gwn y rhwyfwn tua'r tir.

(Ymson gwraig Noa)

Mae'n unig iawn fan hyn ar y cwch
Tra bo'r g?r gyda'r camel, yr epa a'r hwch,
Ond lot gwell gen i na chwmni Noa
Yw cael cwtsh mawr 'da'r Constrictor Boa.

(Ymson gwraig Noa)

Rwy'n unig fan hyn yn y gornel
A dim golwg o dir ar y gorwel,
A thra bo Noa
Yna chwarae 'da'i Foa
Rhaid i minnau fodloni ar gamel!

Daeth ataf gwestiwn oesol
Yng nghanol d?r a strach,
Pam fod y twll o hyd mor fawr,
A mheipen i mor fach?

Limrig yn ymwneud â darllen

Roedd darllen iddo'n waith caled,
Bu sawl tro yn profi'i lyged,
Wedi nifer o checks
Doedd ddim angen sbecs-
Bu'n darllen ei lyfr ben i waered.

Colli sawl pwys o gwmpas dy ganol,
Yn ôl rhai, sydd yn weithred iachusol,
Collais ddwy stôn o chwys
Wrth ddal War and Peace,
Hunllef Arthur sy'n ddarllen hanfodol!

Englyn Cywaith - Cwpan y Byd

Drwy ei hoes buom dreisiol, - yfwn ni
Fwy na'n hawl ddaearol
I'n digoni, a'r ffïol
A dâl â nerth dilyw'n ôl.

Telyneg:Galwad Ffôn

Ar y tir tywodlyd mae'r ffiniau'n
y lle mae'r gwaed yn sychu'n greithiau
a'r brain dan gysgod hir y gwn;

a phob storm dywod sy'n llosgi'r llygaid
yn hollti trywydd trwm y milwyr
na ?yr fod cam a cham yn troedio'u tranc,

yn arwain at baith tywodlyd arall
lle bo'r tywod o'r un graen
ond rhyw flas gwahanol ar y gwaed

sy'n aflonyddu'n eu sanau blinedig.
B?ts pa un o'r rhain a gaiff sglein
yn ôl ar eu blaenau cyn eu dychwelyd

yn flwch destlus, o dan faner
gorweiddiog parêd a ffanffer?
Ond mae'r gwaed wedi hen sychu'i ffin

erbyn i uwch-swyddog wroli i dywodi
o'i enau dynged yr un wrth y fam,
a'r storm dywod lond ei llygaid hithau.

Ac iddi, dim ond yr un alwad
fydd eu marwnad i'w mab.

Rhegodd, diffoddodd ei ffag
a throi ei ben, rhwygodd y derbynydd
o'i grud,
ac eiliad wrth eiliad, meiriolodd
yr wg, nes rhewi'r rheg
yn ei wddf,
tra bod ei fysedd diamynedd yn mynnu
troi'r weiren yn wythïen,
a'i chordeddu'n dynn, dynn,
gan wrthod i'w galon y gwaed poenus
a raeadrai'n electronig
o graith crud y ffôn.

Edrychodd trwy fyw fy llygaid,
wrth glicio'r derbynydd yn derfynol.