Cynigion ychwanegol:

Cwpled caeth yn cynnwys y gair 'anodd':

Af o raid i dy'n y fro,
Annodd a'r angau yno.

O hafan y mae'n anodd
sylwi fawd y sawl a ffodd

Anodd i dderyn ganu
A'i haul o dan gwmwl du.

Pennill Ymson yn Crufts

Mi oedd y Gret Dane na yn anodd ei chyrraedd
A'r Beagle yn drewi o ogla mwg,
Yr ast Bocsar yn gollwng glafoerion,
A'r filgast yn edrych yn ddrwg

Ella na chaf i ddim mo'r "swprim champion"
Ond bo nhw'n dal,byr,boliog neu'n fain
Mi aiff y geist tuag adref yn gwybod
Na does na ddim "best of breed" fel ci drain.

Englyn yn cynnwys enw dau aderyn:

Pan oedd ffesant yn antur i'w ddawn o,
Naddai'nhaid ei gysur;
A hil dew y lord fel dur,
Oerach na llygaid eryr.

Aeth y gwalch â'r fwyalchen un gwanwyn,
Ac mae gwên afallen
Mai yr un mor wych, mor wen,
Heblaw am ambell bluen. Cân (heb fod dros 20 llinell):
Enwogion Cymru:
Fel y bu na erioed y mae na enwogion
yn cerdded ein tir, ac y mae na fanion
I fandiau pop a aeth yn or aeddfed
i'w dynwared heddiw mae na fandiau teyrnged
Wedi Edward H ymadael am eu cadeiriau olwynion
i'r llwyfan daeth Ap Ted a'r Apostolion, Ac erbyn hyn i roi proc i'r hiraeth
fe dreiddiodd yr arfer i fyd barddoniaeth,
Ar daith hir ddiflas o lwyfan i lwyfan a'u sioe dau ddyn mae Parri Williams a Cynan
Mae'r enwau yn gyfarwydd ond mae mwy o awen
Yn y ddau sy'n gorwedd dan gysgod yr ywen
Ac o nabod y ddau byw ac ystyried eu doniau
mi ddywedwn fod arnynt angen mwy nag enwau I neidio i esgidiau awenyddol y cewri,
Tagu prydferthwch o hyd wna mieri,
Os byth cewch chwi'r cyfle cerwch am y gwreiddiol
Ar eu nerth eu hunain aethon nhw fyny'r ysgol,
Ond fel y bu na erioed mae na enwogion
yn cerdded ein tir,ac y mae na Fanion.

Cywydd (heb fod dros 12 llinell): Bro
(Meic Stevens yn canu yn Llithfaen, Ebrill 2006)
Rwyt heno'n tiwnio'r tonnau, a'n hwylio i borth cêl y bae; Y llais yn creu glannau llwyd a haf rhydd cwm dy freuddwyd, Ond yn Solfa'r bora bach y mae'r penllanw mwyach
Yn cyrraedd aber Erwan dawel.
Mae gorwel dy gân yn cau weithiau fel cawod,
Wedyn mystyn,
Nes fy mod innau yn don yn y dwr yn erbyn wal dy harbwr.

Limrig yn ymwneud â chysgu:

Gair bach gyfeillion, er cof
am Dan y Tarantiwla dof
Fe aeth at y Dodo
oherwydd ei fod o
'di mynnu cael cysgu'n y stof

Nid oedd hi yn syniad rhy dda
dy fwydo a phlatiad o ffa
Rwan cysga di yli
Sws sws , si hei lwli
mi welai di'n bore, nos da

Y daeargryn achosodd alanast
Dymchwelwyd pob bricsen a ffenast'
Tua deuddeg o'r rwbel
death Dicw Ty Capel
yn gofyn "Pryd ddon nhw a brecwast?"

Dan Hedd - wel dyna chi greadur
Efe yw yr wythfed cysgadur
mae'n sugno ei fawd
yng ngwely ei frawd
ers rhywbryd ar ddechrae mis Rhagfyr

Y gân bu am oes yn ei dysgu
oedd degfed gonsierto Tchaikovski
Ni ddaeth o'r trombôn
yr un ebwch na thôn
Roedd gwefysau Now Fôn wedi cysgu

Er cael mis yn y jêl nid yw'n dysgu
Mae o'n erlid plant bychain a'u gwasgu
Mi ddylai fod Bet
yn mynd at y fet
a rhoi William Gruffydd i gysgu

Yn troi ac yn trosi yn ferw
breuddwydiai Wil Dei am ei darw
Ei dacl godidog
oedd ar weiren bigog
rôl neidio drosglawdd Hendre Garw

Englyn Cywaith: Heliwr

Er mai gêm ro'i im gamau a rhoi bloedd
'Mistar Blaidd' i'm hofnau;
'Dwyn wna cof â'i rwyd yn cau
'Waedd ddoe, a chreu gweddiau.

b>Telyneg: Aros

'Mi ddaw hi'n munud fe gewch chi weld
Rhen blant, mae'n benllanw tua'r un';
Er bod'na olwg diraen i'r hen gwch
A fynta Jac Ben yn hyn.

'Awn at y canllaw, ychydig yn nes,
Gan bwyll yn fan hyn wrth y doc';
Ac er y dyheu am benllanw un,
Ni ddaeth ond cymysgfa o froc.

Ai am ein bod yma
yn gysgod i'n gilydd ar ol y rhialtwch?,
neu ai am fod tenynau
wedi eu plethu yn rhaffau
sydd weithiau mor dennau ac edafedd gwawn
yn clymu ein heneidiau ni'n un?,
ac yn un â'r pridd,y graig,y tywod
a'r mordan yn yr ewyn,
un ydym â hwythau
a'r un yw ein diben,
un ffordd y trydd yr olwyn
ac yn ei chysgod
y mae ein bod.