Penrhosgarnedd v Penllyn
Cafodd yr ornest yma o'r Talwrn ei gynnal yn Ysgol Y Llan, Chwitffordd.
Penrhosgarnedd
Penllyn
Englyn yn cynnwys (yn y cyrch) '...mae Saddam/mas o'i dwll'
Ers dod gynnai o'i ffau- mae Saddam
Mas o'i dwll daearol
Pan glyw'r llef i'r Farn nefol
Ffoi wna hwn i'w ffau yn ôl.
John Gwilym Jones
8 1/2 Pwynt
Englyn yn cynnwys (yn y cyrch) '...mae Saddam/ mas o'i dwll'
(Gair i Bush a Blair)
Ydi, os mai fo ydio, - mae Saddam
Mas o'i dwll, 'rhen gono,
Ac lle roedd ei gell o ro
Unwaith, ewch, helgwn, yno
Wil J. Williams
8 Pwynt
Pennill Ymson wrth ennill cadair
Ella 'di steddfod Bryn Llosgach mor' enwoca' drwy'r gwledydd
Ella 'na mrawd oedd beirniad, finna'r unig ymgeisydd;
Ella 'ma fi roth y gadair (heb ots am y gost)
Ond bydd fy llun i er hynny ar ffrynt y Daily Post.
John Ogwen
8 1/2 Pwynt
Pennill Ymson wrth ennill cadair
Dw i'n nerfus iawn wrth aros
Gan heddiw dderbyn clod,
Gobeithio bydd y gadair
Yn gweithio fel comôd.
Andrea Parry
9 Pwynt
Cwpled caeth ar gar heddlu
Os clywch y seiren gennym
Ar frys i fynd adref rym.
Llion Jones
8 Pwynt
Cwpled caeth ar gar heddlu
999 a'n geilw ni
Beunydd i bob trybini.
Iwan Roberts
8 Pwynt
Limrig: wrth fynd yn y car i...
Wrth fynd yn y car I fro Chwitffordd
C'es ferch yn ffawd heglu o'r draffordd
Os ydych chi'n cofio
Dewch ata'i heno
Cewch lifft gen i eto- y ddwy ffordd!
Lynne Davies
9 Pwynt
Limrig: Wrth fynd yn y car i...
Wrth fynd yn y car i Langollen
Fe'm pasiwyd fel roced gan falwen
Oedd ar ddisl coch;-
Tri phwynt gan y moch
Fe bwdodd ac aeth hi i'w chragen.
Andrea Parry
9 Pwynt
Cywydd (heb fod dros 12 llinell): Llythyr at feirniad
Annwyl gyfaill a llenor
Yma wyf ar draws y môr
Yn Rio yn trio trin
Geiriau tra'n gwylio gwerin
Yn brwydro am lwybr adre'
I le haws ar draws y dre:
Yn Rio nid yw'r awen
Yn geld heibio i gysgod gwen
Er yr haul, er yr heli,
Un nos hwyr ei hanes hi,
A chân llanc ar ddifancoll
Yn y gwres yw'r geiriau oll.
Iwan Llwyd
9 Pwynt
Cywydd (heb fod dros 12 llinell): Llythyr at feirniad
Syr , ragorol saer geiriau,
Heno clyw 'neisyfiad clau;
Â'th ffon fesur ddi-guro
Os gwnest o feirdd brifeirdd bro
Poenaf a mi 'nghwmpeini
Beirdd y llwch, is y bwrdd lli'.
A oes i lanc brentisiaeth
Yn dy weithdy canu caeth ?
Yno'n creu ar fainc yr iaith
Hogwn gynion in ganwaith
I naddu cynganeddion
Hardda'u rhi' i dderw hon.
Iwan Roberts
8 1/2 Pwynt
Cân (heb fod dros 20 llinell): yn gorffen â'r geiriau ' a dyna sut mae pethau nawr'
O'r chychwyn cyntaf mi ges fagwraeth eitha' da,
Yn fabi deunaw pwys pan ges i ngeni yn yr ha'
A hithau'n boeth a minnau'n chwys mewn pram ddim digon mawr,
A dymi'n driblan yn fy ngheg, a driblan is i lawr
Cynfas oedd fy napi a llian bwrdd fy mrat
A phawb o'r teulu'n unfarn mod i'n edrych yn rêl prat!
Ond hidiais i run blewyn, a phan dyfais i yn ddyn
Mi briodais, do, a chefais blant- rhyw ugain namyn un!
Ces lwyth a "child allowance" ac arian gan y ddôl,
A phan oedd pawb yn gweithio, eisteddais innau'n ôl
Gan feddwl mynd ar ddeiet, a cholli pwys neu ddau,
'Doedd Atkins ddim yn gweithio-dechreuais fwyta cnau,
a dyna'r peth ryfeddau fyth a deimlais i erioed
y teimlas rhyfedd hwnnw o eisiau dringo coed!
Wêt watsiars wedi gnwrthod yn y bore a'r prynhawn,
Eu peiriant pwyso medde nhw yn sensitif go iawn;
Rwyf erbyn hyn yn naw deg oed yn llond fy nghroen o hyd
Fy nghetyn annwyl yn fy ngheg yn teimlo'n llon fy myd
Yn driblan o fy ngweflau- a driblan is i lawr,
A dyna ffrindiau annwyl yw sut mae pethau'n awr.
Morien Phillips
10 Pwynt
Cân (heb fod dros 20 llinell): yn gorffen â'r geiriau 'a dyna sut mae pethau nawr'
Pan ddaw'r alwad i'm o'r Bala'n
Dweud i'r tasgau ddod i law,
Bydd fy stumog yn un cwlwm,
Tybed pa ryw destun ddaw?
Gaf i gyfle i ddisgleirio,
A dangos grym nelweddau i?
Fydd yr awen, wedi'i thanio,
Minnau ar ei haden hi?
Ddaw llifeiriant gwyllt o eiriau
I foddi'r llu dalennau gwyn?
Geiriau coeth o bair yr enaid
I droi pob cynulleidfa'n syn?
Beth yw'r dasg, dywedwch wrthyf,
Pa berl osodaist Feuryn mwyn?
Cân yn gorffen gyda'r geiriau...
Dyna fo, dim mwy o swyn.
Ac mae'r awen heno'n huno,
Ddaeth run gair, mae gwacter mawr,
Ond pa obaith hefo'r llinell
'A dyna sut mae pethau'n awr.'
Beryl Hughes Griffith
9 Pwynt
Ateb llinell ar y pryd
Y lembo dwl, mab 'i dad
Yn athro ond mae'n eithriad
0 Pwynt
Ateb llinell ar y pryd
Y lembo dwl, mab 'i dad
Pendefig ond pen dafad.
1 Pwynt
Englyn cywaith: Croeso i'n cartref
Yma ni chei le cymen- na rhoi ffroen
Ar ffrwyth 'run winwydden
Na llu rhaglenni lloeren
Yn dy gôl, 'mond ffrind a gwên.
John Gwilym Jones
8 1/2 Pwynt
Englyn Cywaith: Croeso i'n cartref
(Croeso i wyres fach Wil)
Wele wanwyn eleni - a hwnnw'n
Wahanol ei firi
Oherwydd dyfod Mari
Mwy yn un ohonom ni.
Wil. J Williams
8 1/2 Pwynt
Telyneg: Dail
(mewn hiraeth am naw o gyd-aelodau)
Dalen yn dilyn dalen, rhwygwyd y dyddiau llesg
O galendr y llynedd fu'n nych ar fy nesg.
A pha mor drwchus bynnag yr yforyau glân
Ni chipir ein bywydau papur yn ôl o'r tân.
Ond pam, rhwng ffos a cheubren, na chlywais i erioed
Alar y dail dienw o galendr y coed.
Mae'r rheini'n gwrando drwy'r glaw blinedig
Ar lanc o wanwyn yn rhuo i aredig.
John Gwilym Jones
10 Pwynt
Telyneg: Dail
Hen wraig
a'i breichiau noethion
ar y ffridd
yn dal rhwng
ei bysedd meinion
rhyw fymryn
o hen femrwn,
mae'n dal yn dyn,
dyn yn hwn.
O'i fewn
y mae cyfrinach
un dydd o Fai,
un bore bach,
hithau'n hardd
mewn gwisg gywrain,
symudliw werdd
o sidan main.
Yn ei llaw
mae'n dal o hyd
y ddalen frau
un freuddwyd,
y gwel eto, efallai
rhyw fore bach
o fis Mai.
Haf Llewelyn
10 Pwynt
Englyn ar y pryd: Matsen
Pan mae hon yn gwreichioni- ai'i thafod
Eithafol yn coethi
I danio'n ôl ein hen dai ni
Yn ei gwres mae goroesi.
9 1/2 Pwynt CYFANSWM Y PWYNTIAU: 81 CYNIGION ERAILL Limrig: wrth fynd yn y car i...
Wrth fynd yn y car i Dalwrna
A chwrdd a beirdd enwog y Bala
Rhown droed ar y sbardun
I guro criw Penllyn
A'n sydyn ymlaen i'r rownd nesa'!
Englyn ar y pryd: Matsen
(Evan Roberts y diwygiwr)
Ar garreg, ei gemegau- yn dyner
A daniodd eneidiau
Yna'n brudd ei chorffyn brau
Ciliodd yn llwch o'r golau
10 Pwynt CYFANSWM Y PWYNTIAU: 80 CYNIGION ERAILL Englyn yn cynnwys (yn y cyrch) '...mae Saddam/ mas o'i dwll' Leni ar lwyfan y panto - mae Saddam Cwpled caeth ar gar heddlu Ein her o hyd, dod ar hynt I'r drwg yr ydw i'n fwgan "Siwrne Saff" heb anghaffael Limrig: Wrth fynd yn y car i... Wrth fynd yn y car i bregethu Wrth fynd yn y car i Sioe Cerrig Wrth fynd yn y car i Borthmadog Cywydd (heb fod dros 12 llinell): Llythyr at feirniad Alan ! ar ran ein Ronnie Llynedd wrth studio'r 'Llwynog',
Mas o'i dwll, yn gadno'n
Hel ei hil o'i Dally-Ho
I iet T Gwyn, at ginio.
Yr eiliad y tyrr helynt
Dig iawn; rwyf o blaid y gwan.
Injan Jet a Gin, - Y Jael.
Un bore dydd Sul ger hen feudy
Dau ddyn lenwai'r lon
Yn llyfu dau gon
Cyn bod yno son am ail-gylchu.
Un Medi ag wyn gore'r 'Rennig ,
Hen fuwch Rhydyfen
Groesai'r ddwy linell wen
A mi'n crafu mhen yn gwneud Limrig.
Gwelais Sais gyda chwip a chap marchog
Ac meddai y lob
"Have you seen a Welsh cob?"-
Atebais mewn iaith anllythrennog!
Ugain oed, ein hogyn ni -
Mae pob beirniad yn dadol
Ddilorni ei ffwlbri ffwl
Yn suddo i roi ansoddair
O gerdd i gerdd cyn y gair.
Seithwaith wir, 'n ol cyfri'r cog
Y seiniodd cawr y soned
Yn ddoeth, yn goeth "Go-ahead".
Poeni am ail-opiniwn
Mae tri am y mater hwn.
Chwilio
Amserlen
Ar yr awyr nawr
05:00Richard Rees
Richard Rees yn cyflwyno'r gerddoriaeth orau o bob cyfnod, o'r 70au a'r 80au hyd heddiw.
