Roedd Dydd Iau Hydref 13 yn ddiwrnod arbennig i ddathlu bywyd a gyrfa John Peel a bu nifer o artistiaid a cherddorion Cymru yn hel atgofion am y DJ ar raglen Lisa Gwilym ar C2, Radio Cymru. Cliciwch isod i glywed rhai o'r sgyrsiau:
Rhys Mwyn (Anrhefn, Hen Wlad fy Mamau, Mangre)
Steffan Cravos (Tystion, Sleifar)
Bu John Peel yn cyflwyno ar Radio 1 o 1967 tan y bu farw yn 2004, a thrwy ei yrfa fe gefnogodd gerddoriaeth Gymraeg - o gyfnod Edward H Dafis a'r Trwynau Coch yn y 70au, i ddyddiau Datblygu a'r Anrhefn yn y 80au ac, yn fwy diweddar, bandiau fel Melys, Tystion a Llwybr Llaethog.
Fel rhan o'r diwrnod gafodd cannoedd eu gigs eu trefnu, yn cynnwys nosweithiau arbennig gyda bandiau ac artistiaid Cymraeg. Bu C2 yn darlledu o Glwb Ifor Bach, Caerdydd gyda Sibrydion, Briwsion a Pwsi Meri Mew Movement a bydd cyfle i glywed mwy o ganeuon byw o'r gig yma ar raglen C2 ar Radio Cymru yn ystod yr wythnos i ddod.
Cliciwch yma i weld lluniau o'r gig. Am fwy o wybodaeth am ddiwrnod John Peel, ewch i dudalennau arbennig Radio 1 - Keeping it Peel.
Gwrando
Podlediad
Lawrlwytha Pod C2 am ddim - darnau gorau C2 pob wythnos ar gyfer dy chwaraeydd MP3. Beth yw podlediad?
C2 ar BBC iPlayer
Cyfle arall i glywed holl raglenni C2 o'r saith diwrnod diwethaf.
