Ar beth yn union mae Huw Stephens yn gwrando wythnos yma, a phwy mae Huw yn meddwl sydd werth eu clywed?
1. Ummh - Amheuthun
Albym newydd y grwp o Aberystwyth sy' allan ar label Recordiau Awen - ma'n dechre gyda Aron o Pep le Pew yn rapio dros ffync hynod o hafaidd y band, ac yn parhau i fod yn un albym sy'n swnio fel slab mawr o ffync. Cymysgedd o hip hop a jazz - Ffyncin Gwych!
2. Nick Drake - Bryter Layter
O bosib yr albym gore iddo sgwennu, dath hon allan yn 1970. Ma'r dylanwad ar fandie fel Belle and Sebastien yn amlwg, a mae'r gerddoriaeth yn emosiynol a hyfryd. Fuodd Nick Drake farw yn ifanc, ond mae ei gerddoriaeth yn dal i hudo....
3. 10p a Play - Artisitiad Amrywiol
CD am ddim gyda'r ffansin dwy-ieithog Viva Sparky ydi hwn, ac yn werth ei chael os yn ffan o gerddoriaeth dawns tanddearol. Mae'r traciau o label Catchpenny o'r Wyddgrug yn ddiddorol a difyr. Anfonwch e-bost at vivasparky@aol.com i gael copi.
4. Panjabi MC - Panjabi MC
Os chi'n cofio Mundian To Bach Ke, sengl oedd yn deg uchaf y siartiau am amser hir, ac yn ei hoffi, fydd albym cynta Panjabi MC yn plesio. Mwy o hip-hop wedi ei gymysgu gyda banghra, a fersiwn Jay Z o'r sengl wych hefyd.
Gwrando
Podlediad
Lawrlwytha Pod C2 am ddim - darnau gorau C2 pob wythnos ar gyfer dy chwaraeydd MP3. Beth yw podlediad?
C2 ar BBC iPlayer
Cyfle arall i glywed holl raglenni C2 o'r saith diwrnod diwethaf.
Welsh word of the day
