राजधानी उपत्यकाको होली

थोरै डेटा खपत गर्ने गरी पढ्न मिल्ने संस्करण हेर्नुहोस्।

रमाइला नेपाली पर्वहरूमध्येको एक पर्व होली यसपाली बुधवार पहाडी क्षेत्रमा मनाइएको छ र विहीवार तराई क्षेत्रमा मनाइने छ। बालबालिका देखि वृद्धवृद्धासम्मले रमाइलो गरेर मनाउने यो पर्वको विविधता नेपालको विशेषता हो।

होली पर्व मनाउँदै गरेको एक दृष्य।
तस्बिरको क्याप्शन, वैमनस्य त्यागेर सद्भाव फैलाउने पर्व हो अहिलेको होली। जोरपाटीको बेसीगाउँमा होली मनाउँदै एक टोली। तर होली खेल्न बलजफ्ती गर्ने र नचाहनेलाई जबरजस्ती रंग लगाउनेमाथि कारबाही हुने प्रहरीले जनाएको छ।
काठमाण्डूको धुम्रबाराहीमा आयोजना गरिएको एक साङ्गीतिक कार्यत्रममा नेपाली गीतमा रमाउँदै।
तस्बिरको क्याप्शन, टोल टोलमा मात्रै नभई कुनै विशेषस्थानलाई नै भाडामा लिएर सामुहीक रूपमा होली मनाउने प्रचलन पन‌ि नयाँ होलीको विशेषता हो। काठमाण्डू उपत्यकमा विभिन्न साङ्गीतिक कार्यक्रमहरू आयोजना गरेर होली मनाइएको छ।
पिचकारीबाट पानी फ्याक्दै एक बालिका।
तस्बिरको क्याप्शन, होली पर्वमा बालबालिकाहरूले रमाइलो गर्न रुचाउने खेलौना प्लाष्टिकको पिचकारी हो।
पाटनमा होली खेल्दै युवाहरू
तस्बिरको क्याप्शन, होली रंगको पर्व हो। तर यो पर्वमा प्रयोग हुने रंगले छालामा नराम्रो असर गर्ने भनेर सावधान गराइएको छ।
मुखमा रंग दलेका युवा
तस्बिरको क्याप्शन, वसन्त पर्व पनि भनेर व्याख्या गर्ने होलीमा प्रकृतिको रंग नै झल्काउने रंगको प्रयोग हुने गरेको थियो तर पर्वको ढंग पर्व मनाउनेको खुशीमा नै भर पर्छ। र त्यस्को झल्को होलीमा प्रयोग भैरहेको रंगमा पनि देख्‍न सकिन्छ।
फेसपेन्ट गरेका युवा
तस्बिरको क्याप्शन, होलीको नयाँ विशेषताका रूपमा 'फेस पेन्टिङ' गर्ने चलन पन‌ि देख‌िएको छ। र युवा पुस्तामाझ यो लोकप्रीय छ।
होलीको रंग लगाएका विदेशी युवतीहरू
तस्बिरको क्याप्शन, होली पर्व नेपालमा सबैको पर्व बन्न पुगेको छ। विदेशी पाहुनाहरूलाई पन‌ि होली पर्वले आफ्नो रंगमा रंग्याउँछ।
रंग दल्दै युवाहरू
तस्बिरको क्याप्शन, होलीको रंगले सद्भाव फैलाउँछ, मित्रता गहीरो बनाउँछ यसै भन्छ आजको युवा पुस्ता।
ललितपुरको जावलाखेलमा मादक पदार्थ सेवन जाँच गर्दै प्रहरी
तस्बिरको क्याप्शन, होलीका बेला मादक पदार्थ सेवन गरेर सवारी साधन चलाउने काम नहोस् र दुर्घटना नहोस् भनेर प्रहरीले विशेष अभियान नै संचालन गरेको छ। महानगरीय ट्राफिक प्रहरी महाशाखाका अनुसार बुधबार प्रहरीले दिउँसो तीन बजेसम्ममा ४४ जना मापसे गरेर सावारी चलाउने सहित अन्य कसुरमा ५ सय १९ जनालाई कारबाही गरेको छ।