हिमालको काखमा क्रिकेट

थोरै डेटा खपत गर्ने गरी पढ्न मिल्ने संस्करण हेर्नुहोस्।

कतै छ यति मनोरम क्रिकेट रङ्गशाला? पोखराको व्यावसायिक प्रतियोगिता खेलका लागि जति चर्चित छ उत्तिकै मैदानको सुन्दरताका लागि पनि छ। (फोटो फिचर)

पोखरा क्रिकेट
तस्बिरको क्याप्शन, पोखरामा पहिलो पटक शुरू भएको व्यावसायिक क्रिकेट प्रतियोगिता पोखरा प्रिमियर लिग (पीपीएल) क्रिकेटले खेल पर्यटनको नयाँ गन्तव्य बन्ने आशा जगाएको छ।
पोखरा क्रिकेट
तस्बिरको क्याप्शन, माछापुच्छ्रे र अन्नपूर्णको हिम शृङ्खला रङ्गशालाबाट छर्लङ्ग देखिने यस्तो दृष्य विश्व क्रिकेटमै अनुपम हुन सक्ने विश्वास गरिएको छ।
पोखरा क्रिकेट
तस्बिरको क्याप्शन, रङ्गशालाबाट देखिएको प्याराग्लाइडिङको दृष्य। यी सबै अनुगमन गर्न अन्तर्राष्ट्रिय क्रिकेट परिषद् आइसीसीका प्रतिनिधि पोखरा आएका छन्।
पोखरा क्रिकेट
तस्बिरको क्याप्शन, पोखराको यही स्थानमा यसअघि अन्तर्राष्ट्रिय क्रिकेट परिषद् आइसीसीको क्षेत्रीय एकेडेमी बन्ने तयारी समेत भएको थियो। तर विवादका कारण पछि आयोजना युएईमा सर्न पुग्यो।
पोखरा क्रिकेट
तस्बिरको क्याप्शन, पर्यटकीय शहरका रूपमा पहिले नै चर्चित पोखरामा देशका स्टार खेलाडीहरूको जमघट हुनुले अर्को रौनक थपिएको क्रिकेट प्रेमीहरू बताउँछन्। कप्तान पारस खड्का प्रमुख आकर्षणका एक पात्र हुन्।
पोखरा क्रिकेट
तस्बिरको क्याप्शन, क्रिकेटको ठूला प्रतियोगिता नभएकोले दर्शकहरू कम हुन सक्ने अनुमान विपरीत पोखराका दर्शकहरू यी स्टार खेलाडीहरू हेर्न मैदानमा झुम्मिएका छन्।
पोखरा क्रिकेट
तस्बिरको क्याप्शन, विदेशी खेलाडीहरूको उपस्थिति दर्शकका निम्ति सुनमाथि सुगन्ध बनेको देखिएको छ। इङल्याण्डका खेलाडी पिटर ट्रेगो पोखरा देखेर लोभिएका देखिए भने दर्शकहरू उनलाई देखेर।
पोखरा क्रिकेट
तस्बिरको क्याप्शन, राष्ट्रिय तथा अन्तर्राष्ट्रिय खेलाडीहरूको यस्तो भिडन्त हरेक वर्ष हुने भएपछि यसले पोखराको परिचय क्रिकेट शहरको रूपमा समेत स्थापित हुने आशा गरिएको छ।