थाईल्याण्ड: यसरी गरिँदैछ फसेका बालकहरूको उद्धार

थोरै डेटा खपत गर्ने गरी पढ्न मिल्ने संस्करण हेर्नुहोस्।

८ जुलाई २०१८

थाईल्याण्डको एउटा गुफाभित्र दुई हप्तादेखि फसेका १२ जना बालक तथा उनीहरूका फुटबल प्रशिक्षकलाई बाहिर निकाल्न उद्धार कार्य शुरू भएको अधिकारीहरूले बताएका छन्।

गुफामा फसेका बालकहरू — तस्बिरको क्याप्शन, थाईल्याण्डको एउटा गुफाभित्र गत जुन २३ यता ११ देखि १६ वर्षका बालकहरू आफ्ना प्रशिक्षकसहित फसिरहेका छन्।

वर्षाका कारण समस्या — तस्बिरको क्याप्शन, उद्धार अभियानका प्रमुखले उद्धारकर्ताहरूको टोली स्थानीय समय अनुसार बिहान १० बजे गुफाभित्र प्रवेश गरेको बताए।

प्रार्थना गर्दै बालबालिका — तस्बिरको क्याप्शन, उद्धारकार्य सुरु भएसँगै थाईल्याण्डका बालबालिकाहरूले फसेका बालकहरू र उनीहरूका प्रशिक्षकको सुरक्षित फिर्तीको लागि प्रार्थना गरिरहेका छन्।

उद्धारमा खटिएको टोली — तस्बिरको क्याप्शन, गुफाको प्रवेशद्वार वरपर खाली गराइएको छ र अहिले त्यहाँ गोताखोरहरूको टोली, चिकित्सक तथा सुरक्षाकर्मी मात्रै छन्।

उद्धारमा खटिएका सेना — तस्बिरको क्याप्शन, अभियान प्रमुखले १८ जना गोताखोरहरू जोखिमपूर्ण ठानिएको उद्धार कार्यमा सहभागी भएको र मौसमको अवस्था हेरेर उद्धार गर्न चार दिनसम्म लाग्न सक्ने बताए।

उद्धारका लागि तयार हेलिकोप्टर — तस्बिरको क्याप्शन, यसैबीच, बालबालिकाहरूलाई उद्धार गरेर नजिकैको अस्पतालमा लैजानका लागि हेलिकप्टरहरू तयार राखिएका छन्।

फसेका बालकहरू — तस्बिरको क्याप्शन, उद्धारकर्ताहरूले बालकहरूमध्ये पहिलो टोलीलाई सघाउन थालेको बुझिएको छ।