थाई गुफाभित्र नौ दिनसम्म गरिएको खोजी

थोरै डेटा खपत गर्ने गरी पढ्न मिल्ने संस्करण हेर्नुहोस्।

३ जुलाई २०१८

उत्तरी थाईल्यान्डमा एउटा गुफाभित्र छिरेपछि नौ दिनसम्म सम्पर्कविहीन भएका १२ विद्यार्थी र तिनका फुटबल प्रशिक्षकलाई जुन २ मा जीवितै फेला पारियो। अहिले उद्धारको प्रयास हुँदैछ।

थाई गुफा उद्धार — तस्बिरको क्याप्शन, गुफाभित्र पसेको समूहका सदस्यहरूले प्रयोग गरेका मोटरसाइकलहरू गुफाको प्रवेशद्वार अगाडि भेटियो। त्यसपछि ठूलो वर्षा भयो र पानीको भेल गुफाभित्र पस्यो।

तस्बिरको क्याप्शन, सो गुफा थाईल्यान्डको चौथो ठूलो गुफा मानिन्छ।

तस्बिरको क्याप्शन, जलमग्न गुफाहरूमा पौडी खेल्न जान्ने ब्रिटिश केभ-डाइभर रोबर्ट चार्ल्स हार्पर पनि सो टोलीमा सहभागी भएका थिए।

थाई गुफा — तस्बिरको क्याप्शन, गुफाको मुख्य प्रवेशद्वार पनि जलमग्न भयो। त्यसपछि गुफाभित्र छिर्ने वैकल्पिक मार्गको खोजी भयो। गुफाबाट पानी निकाल्न चट्टानमा प्वाल पनि पारिएको थियो।

तस्बिरको क्याप्शन, प्रवेशद्वार खोजी गर्न थर्मल क्यामराजडित ड्रोनहरू र पानीको गहिराइ एवम् गुफाको स्थिति आकलन गर्न रोबोट प्रयोग गरिएको थियो। सम्पर्कविहीन भएका व्यक्तिहरूको खोजी गर्न तिनका सामग्री सुँघाएर तालिमप्राप्त कुकुरहरू पनि परिचालित भएका थिए।

थाई उद्धार — तस्बिरको क्याप्शन, हराएका व्यक्तिहरूलाई फेला पार्नुभन्दा केही समयअघि सोमवार उद्धारकर्मीहरूले आफूहरू उनीहरूभन्दा एक किलोमिटर जति टाढा रहेको बताएका थिए। तर बीचमा एउटा साँघुरो बाटो भएकाले उनीहरू रोकिएका थिए।

तस्बिरको क्याप्शन, हराएका व्यक्ति सकुशल भेटियून् भनेर प्रार्थना र पूजाआजा गरियो।

जीवित किशोरहरू — तस्बिरको क्याप्शन, अन्तत: जुन २ मा उनीहरूलाई जलमग्न गुफाभित्र एउटा ढिस्कोमा जीवितै भेटियो। तर पानीको सतह नघटेकाले उनीहरूलाई त्यहाँबाट कसरी सकुशल निकाल्ने भनेर उद्धारकर्मीहरू उपाय खोज्दैछन्।