घुमन्ते राउटे समुदायको बस्तीको केहि झलक

थोरै डेटा खपत गर्ने गरी पढ्न मिल्ने संस्करण हेर्नुहोस्।

नेपालका अन्तिम घुमन्ते जाति मध्येको एक राउटे पश्चिम नेपालका विभिन्न जंगलहरुमा बसोबास गर्ने गर्छन्।

राउटे बस्तीको जीवन
तस्बिरको क्याप्शन, जंगलमा बसोबास गर्ने राउटे समुदाय कहिले काहीं गाउंबस्ती नजीक बस्न आउंछन्।
राउटेको छाप्रो अगाडी सुकाइएको विस्कुन
तस्बिरको क्याप्शन, कृषि उद्यम नगर्ने घुमन्ते राउटेहरु अन्य गाउंबस्तीका मानिसहरुसंग बस्तु विनिमय गरेर आफ्ना लागि अन्नको जोहो गर्ने गर्छन्।
राउटे बालबालिका
तस्बिरको क्याप्शन, राउटे समुदायका बालबालिकाहरु आफ्ना आमाबाबा संगै जंगलमै आफ्नो परम्परा अनुसार नै हुर्कने गर्दछन्।
राउटेहरुको झुपडी
तस्बिरको क्याप्शन, राउटेहरु जंगलमा पाइने रुख पातहरुबाटै आफूलाई बस्ने अस्थायी झुप्रो तयार पार्ने गर्दछन्।
झुपडी बाहिर राउटेका महिला तथा केटाकेटी
तस्बिरको क्याप्शन, राउटे महिलाहरु बाहिरी समुदायका मानिसहरुसंग घुलमिल वा बोलचाल समेत गर्ने गर्दैनन्।
राउटेको झुपडी भित्रका भांडाकुंडा
तस्बिरको क्याप्शन, राउटेहरु विशेषगरी आफैले बनाएका काठका भांडाकुंडा प्रयोग गर्छन्, अरु भांडा भने गाउंबस्तीबाट साटेर लैजाने गर्छन्।
राउटेको झुपडी भित्र
तस्बिरको क्याप्शन, राउटेहरुको मुख्य आहारा वनमा पाइने खानेकुरा वा बांदर जस्ता वन्यजन्तुको मासु हुने गर्छ।
राउटे पुरुषहरु
तस्बिरको क्याप्शन, खानेकुराको बन्दोबस्त गर्ने लगायतका जीम्मा राउटे पुरुषहरुको हो र उनीहरु नै बाहिरी समुदायका मानिसहरको सम्पर्कमा आउने गर्छन्।
राउटे किशोरीहरु
तस्बिरको क्याप्शन, राउटे समुदायमा बिहेबारी लगायतका सबै सामाजीक व्यवहार आफ्नै समुदाय भित्र नै हुन्छ।
राउटे महिलाहरु
तस्बिरको क्याप्शन, हालै बाहिर आएका समाचारहरु अनुसार राउटे समुदायमा मातृ तथा बाल मृत्युदर चर्को रहने गरेको छ।
राउटेका मुखिया पत्रकारहरुसंग कुरा गर्दै
तस्बिरको क्याप्शन, राउटे समुदायमा थिति बसाल्ने भुमिका समुदायका मुखियाको हुन्छ, बाहिरी समुदायसंगको सम्पर्क र व्यवहारको नेतृत्व पनि उनैले गर्छन्।
राउटेका मुखिया बस्तीका मानिसहरुमाझ
तस्बिरको क्याप्शन, राउटेहरु जंगलबाट बस्तीहरु नजीक आउंदा उनीहरु आफ्ना भेषभुषा र व्यवहारका कारण धेरैको कौतुहलको विषय बन्ने गर्छन्।