शिवरात्रिको उपलक्ष्यमा बिहीवार नेपालका विभिन्न शिवालयमा भक्तजनको घुइँचो लागेको छ भने नेपाली सेनाले सैनिक दिवस मनाउन विशेष कार्यक्रम आयोजना गरेको छ।
तस्बिर स्रोत, EPA
शिवरात्रिका अवसरमा काठमाण्डूस्थित पशुपतिक्षेत्र र देशका अन्य शिव मन्दिर तथा तीर्थस्थलमा भक्तजनहरू भेला भएका छन्।
कोरोनाभाइरसका कारण विगतमा जस्तो ठूलो भिड नभए पनि बिहानैदेखि पशुपतिनाथमा दर्शनार्थीहरू पङ्क्तिबद्ध भएर दर्शन गरिरहेका छन्। पशुपतिमा नेपाल तथा भारतबाट साधुसन्तहरू पनि आएका छन्।
तस्बिर स्रोत, Keshav P. Koirala / BBC
तस्बिर स्रोत, EPA
तस्बिर स्रोत, RSS
तस्बिर स्रोत, RSS
तस्बिर स्रोत, RSS
नेपाली सेनाले शिवरात्रिको अवसरमा आज विशेष कार्यक्रम गरेर सैनिक दिवस मनाएको छ।
टुँडिखेलमा आयोजित कार्यक्रममा राष्ट्रपति र प्रधानमन्त्री पनि सहभागी भएका थिए।
तस्बिर स्रोत, RSS
तस्बिर स्रोत, RSS
तस्बिर स्रोत, RSS
तस्बिर स्रोत, RSS
तस्बिर स्रोत, RSS
तस्बिर स्रोत, RSS
तस्बिर स्रोत, RSS
तस्बिर स्रोत, RSS
तस्बिर स्रोत, Reuters
म्यान्मारका सैन्य शासकहरूले नेत्री आङ सान सू चीले गैरकानुनी रूपमा छ लाख डलर र सुन स्वीकार गरेको आरोप लगाएका छन्।
फेब्रुअरी १ मा सैनिक कू गरेर सू ची र म्यान्मारको प्रजातान्त्रिक ढङ्गबाट निर्वाचित नेतृत्वलाई अपदस्थ गरेपछि सू चीमाथि लगाइएको सबैभन्दा गम्भीर आरोप हो।
आरोप प्रमाणित गर्ने कुनै प्रमाण भने सेनाले दिएको छैन। सेनाले सू चीलाई अज्ञात स्थानमा राखेको छ।
उनीमाथि रेडिओ उपकरण राखेको, कोभिड नियन्त्रणका लगाइएका प्रतिबन्धात्मक नियमहरू भङ्ग गरेको तथा नागरिकमा डरत्रास फैलाइएको आरोप पनि लगाइएको छ।
सू चीले गैरकानुनी रूपमा ग्रहण गरेको भनिएको सुनको मूल्य लगभग साढे चार लाख पाउन्ड छ।
म्यान्मारमा कूको विरोधमा प्रदर्शन जारी छ र बिहीवार कम्तीमा सात जना मारिएपछि मृतकको कुल सङ्ख्या ६० नाघेको छ।
विश्व स्वास्थ्य सङ्गठनले कोरोनाभाइरसलाई विश्वव्यापी महामारी घोषणा गरेको आज एक वर्ष पूरा भएको छ।
जोन्स हप्किन्स यूनिभर्सिटीका अनुसार अहिलेसम्म विश्वका झन्डै २०० देशमा ११ करोड ६० लाख मानिसलाई कोरोनाभाइरस सङ्क्रमण भएको पुष्टि भएको छ।
तीमध्ये २५ लाख जनाको मृत्यु भएको देखिन्छ।
कोभिडका कारण मृत्यु भएका मानिसमध्ये सर्वाधिक संयुक्त राज्य अमेरिकाका पाँच लाख २२,००० भन्दा बढी र ब्रजिलका दुई लाख ६८,००० भन्दा बढी छन्।
तस्बिर स्रोत, Getty Images
क्यान्सरका बिरामीहरूलाई फाइजरको कोभिड खोपले धेरै कम मात्र सङ्क्रमणबाट सुरक्षा दिने एउटा अध्ययनले देखाएको छ।
दुई मात्राबीच १२ हप्ताको समयावधि राख्दा त्यसले क्यान्सरका बिरामीलाई जोखिममा पार्ने किङ्स कलेज लन्डन र फ्रान्सिस क्रिक इन्स्टिट्यूटको अध्ययन टोलीले बताएको छ।
दोस्रो मात्रा छिटो लगाउँदा त्यसले क्यान्सर बिरामीको रोगप्रतिरोधी क्षमतालाई वृद्धि गरेको छ।
क्यान्सर रिसर्च यूकेले यो अध्ययनलाई अरू वैज्ञानिकहरूले पुष्टि गरिनसकेको अवस्थामा चिकित्सकको सल्लाहबमोजिम गर्न क्यान्सर बिरामीलाई सुझाव दिएको छ।
यो अध्ययनमा २०५ जना क्यान्सर बिरामी सहभागी थियो जसमध्ये १५१ जना फोक्सो, स्तन र पेट वा रक्त क्यान्सरका बिरामी थिए।
पहिलो मात्रा खोप दिइएको तीन सातापछि तीमध्ये क्यान्सरका ३९ प्रतिशत बिरामीलाई मात्रै खोपले सुरक्षा दिएको थियो।
तीन सातापछि दोस्रो मात्रा दिइँदा क्यान्सर बिरामीमध्ये ९५ प्रतिशतमा एन्टिबडी बनेको पाइएको थियो।
नेकपा (माओवादी केन्द्र) का अध्यक्ष प्रचण्डले पूर्वमाओवादीहरूलाई एक ठाउँमा ल्याउन आफूले पहल गर्ने बताएका घोषणा छन्।
देशमा भएका ठूला परिवर्तनमाथि आक्रमण भइरहेको दाबी गर्दै उनले राजधानीभन्दा बाहिरै बसेर देशव्यापी अभियानमा केन्द्रित हुने उद्घोष गरे।
आज राजधानीमा आयोजित एउटा कार्यक्रममा प्रचण्डले भने, “हामीले योसँग मिले होला कि त्यो सँग मिले होला कि, यो गरे होला कि त्यो गरे होला कि भनेर धेरै गरियो। तर आफ्नै साथीहरू छुट्दा, आफ्नै धरातल कमजोर हुँदा कमजोर भएको देखिएको पक्कै हो।”
नयाँ मान्छे खोज्दा पार्टीमा महत्त्वपूर्ण भूमिका खेलेका साथीहरू छुटेको उल्लेख गर्दै उनले त्यसलाई सच्याइने बताए।
"युद्ध" गर्ने अवस्था नरहेको भन्दै उनले शान्तिपूर्ण ढङ्गले जनतासँग जोडिने अभियान चलाउने बताए।
“म छाड्नेवाला छैन। म एकचोटि क्रान्तिमा फेरि जानेवाला नै छु। अरू दुई चारवटा लडाइँ हामीले जित्नै बाँकी छ।”
नेपालमा केही समययता जनस्वास्थ्यसम्बन्धी मापदण्डलाई बेवास्ता गर्न थालिएको भन्दै चिन्ता प्रकट गरेका छन्।
कोरोनाभाइरस महामारीको त्रास कायम रहेकै बेला हामीहरू कसरी सुरक्षित रहन सक्छौँ?
तस्बिर स्रोत, Reuters
ब्रजिलमा कोरोनाभाइरस सङ्क्रमण ह्वात्तै बढेपछि एक दिनमै २,००० भन्दा बढीको मृत्यु भएको छ।
एकैदिन कोभिडका कारण ब्रजिलमा मृत्यु भएको यो सर्वाधिक सङ्ख्या भएको बताइएको छ।
विश्वभरिको तथ्याङ्क हेर्दा ब्रजिलमा अमेरिकापछि सबैभन्दा बढी मानिसको कोभिडका कारण मृत्यु भएको छ। बुधवारको २,२८६ सहित त्यहाँ कुल २६८,३७० जनाको मृत्यु भइसकेको छ।
विज्ञहरूले नयाँ प्रकारका कोरोनाभाइरसका कारण सङ्क्रमण झन् बढेको बताएका छन्।
तस्बिर स्रोत, RSS
शिवरात्रिको उपलक्ष्यमा आज बिहानदेखि नै देशभरिका शिवालयहरूमा भक्तजनहरूको घुइँचो लागेको छ।
काठमाण्डूस्थित पशुपतिक्षेत्रमा हजारौँ मानिसहरू भेला भएका छन्।
दर्शनार्थीहरू पङ्क्तिबद्ध भएर पशुपतिनाथको दर्शन गर्न गइरहेका छन्।
यसपालि पशुपतिनाथको मन्दिर प्रवेश गर्नका लागि मास्क अनिवार्य गरिएको छ।
कोरोनाभाइरस महामारीको त्रास बाँकी रहेकाले यसपालि पशुपतिमा आएका साधुसन्तको सङ्ख्या घटेको पशुपति क्षेत्र विकास कोषले जनाएको छ।
आजकै दिन नेपाली सेनाले सैनिक दिवस मनाउँछ। सेनाले टुँडिखेलमा विशेष कार्यक्रम आयोजना गरेको छ।
तस्बिर स्रोत, RSS
तस्बिर स्रोत, RSS
तस्बिर स्रोत, EPA
स्वीडनस्थित भेराइटी अफ डिमोक्र्यासिज इन्स्टिट्यूटको एउटा प्रतिवेदनमा विश्वभरि सबैभन्दा ठूलो प्रजातन्त्रका रूपमा चिनिएको भारत अब "निर्वाचित तानाशाही"मा परिवर्तित भएको जनाइएको छ।
सन् २०१४ मा भएको निर्वाचनमा हिन्दू राष्ट्रवादी दल भारतीय जनता पार्टीले जितेपछि उसले हिन्दू राष्ट्रवादी एजेन्डा पछ्याएदेखि यो प्रक्रिया सुरु भएको प्रतिवेदनमा उल्लेख छ।
उक्त प्रतिवेदनमा भारतमा सञ्चारमाध्यम, प्राज्ञ एवं नागरिक समाजका स्वतन्त्रतालाई निकै हदसम्म कुण्ठित पारिएको जनाइएको छ।
नरेन्द्र मोदी नेतृत्वको सरकारले आलोचकहरूको मुख बन्द गर्न देशद्रोह, मानहानि तथा प्रतिआतङ्कवादका कानुनहरूको सहारा लिएको पनि प्रतिवेदनमा उल्लेख छ।
भारत सरकारले विगतमा यस्ता प्रतिवेदनहरूलाई खण्डन गर्ने गरेको छ।
तस्बिर स्रोत, EPA
सिरियाको १० वर्षे द्वन्द्वको राजनीतिक समाधान फेला नपारिए उसले अपरिवर्तनीय हानि बेहोर्ने चेतावनी दिइएको छ।
सेभ द चिल्ड्रेन, नर्वेजियन रेफ्यूजी काउन्सिलसहित ३५ वटा सहायता संस्थाले दिएको चेतावनीमा ५० लाख सिरियाली मानिसले देश छाडेर भागिसकेको उल्लेख छ।
उनीहरूका अनुसार सिरियामा ८० प्रतिशतभन्दा धेरै मानिस गरिबीमा बाँचिरहेका छन्।
अमेरिकी कङ्ग्रेसको तल्लो सदनले राष्ट्रपति बाइडनले अघि सारेको १९ खर्ब डलर बराबरको कोभिड राहत प्याकेज पारित गरेको छ।
अहिलेसम्म अमेरिकाले कोभिड महामारीबाट पुनरुत्थानमा ५० खर्ब डलर खर्च गरिसकेको बताइन्छ।
राष्ट्रपति जो बाइडनको १९ खर्ब डलरको प्याकेजले कोभिडको प्रभाव झेलिरहेका अमेरिकीहरूलाई राहत दिने बताइएको छ।
कोरोनाभाइरसको विश्वव्यापी महामारीसँग जुझ्न कोभिड खोप र सम्बन्धित मेडिकल सामग्री उत्पादनको विशेष अधिकारका नियम खुकुलो पार्न दक्षिण अफ्रिका र भारतले गरेको प्रस्तावमा सहमति जुटाउन विश्व व्यापार सङ्गठनले असफल भएको छ।
विकासोन्मुख देशहरूलाई आवश्यक खोप आफैँ उत्पादन गर्न सहज बनाउनेगरी अनुमति दिने सो प्रस्तावको उद्देश्य थियो।
कुनै आविष्कारकले आफ्नो लगानीबाट प्रतिफल लिन सकून् भन्ने उद्देश्यले डब्ल्यूटीओका नियमानुसार सदस्य राष्ट्रहरूले उत्पादकका प्याटेन्ट तथा अन्य अधिकार सुरक्षित राख्नुपर्छ।
महामारीको समयमा त्यस्तो नियम खुकुलो बनाउनुपर्ने प्रस्तावलाई ब्रजिलसहित कैयौँ धनी देशहरूले अस्वीकार गरेका थिए।
डब्ल्यूटीओकी नयाँ महानिर्देशक नगोजी ओकोन्जो इवेलाले हालकै नियमको परिधिमा रहेर प्रविधि हस्तान्तरणको विकल्पमा जानसकिने सुझाव दिएकी छन्।
नमस्कार। शुभप्रभात।
बीबीसी न्यूज नेपालीको दैनिक लाइभ पेजमा तपाईँलाई स्वागत छ।
यो पेजमा हामी आज बिहीवार फागुन २७ गते दिनभरिका महत्त्वपूर्ण राष्ट्रिय र अन्तर्राष्ट्रिय घटना तथा अन्य सामग्री प्रकाशित गर्नेछौँ।
