Poems from the great big Jersey poetry book. A collection of poetry from people in or from Jersey.

J'prends man papi et j'prends ma plieunme:
Dans chu gardîn d'patholes, la tèrre
Est blianche. J'tchultive mes belles lédgeunmes -
Les frits dé man chèrvé et d'l'air.

Châque page - un clios. Mes mots - des vaques
Jèrriaises tchi lus couochent souos la plyie
D'mes sentiments, et des bouais châquent
Lus branques coumme mes dés sus l'papi.

Auve un créyon et du papi,
M's idées flieuthies, mes vèrts vèrsets
Es'sont tes belles-toutes-nues d'Jèrri -
Mes flieurs sont fraîches, mes mots sont dgais,

Pliantés ichîn par man créyon,
Pâlés ach'teu par ta douoche vouaix
En Ville, dans les clios, sus l'sablion.
Y'a des vèrsets en Jèrriais

Êcrits dans les bouais, sus châque fielle,
Sus l'granit, sus mes fielles d'papi...
Et j'murmuth'thai: "Ah, es-tu belle
Aniet, Journée d'la Poésie!"
submitted: 09/10/03

YOUR POEM Send us your poem using this form
name:	*
e-mail:	*
parish:	*
title:
category:	select a category...LoveHate/PainLymericsChildren'sDeathConscienceSeasonsFriendshipReligionPoliticsEnvironmentPeaceJerriaisSleepCelebrationJerseyTime gone bySillyOther
short description of your poem:
your poem:
*
I declare this poem is my own original work YES *
Fields marked *are compulsory Disclaimer Poems will only be accepted from residents of the Island of Jersey. The BBC may edit your poem and reserves the right to publish it in any context. If you choose to submit your name this may also be published. We cannot guarantee that all poems will be published.