Rydyn ni'n trafod storïau a cherddi'n aml yn yr ysgol.

Tra'n trafod storïau, mae'n bwysig trafod trefn y stori, er enghraifft:

• Paragraff cyntaf
• Datblygiad y stori
• Paragraff clo
• Cymeriadau

Yn ogystal â hyn, mae'n bwysig trafod elfennau pwysig eraill mewn stori, er enghraifft:

• Beth sy'n gwneud stori dda? Sut oedd yr awdur wedi cyflawni hyn?
• Oedd disgrifiadau diddorol yn y stori? Pa rai?
• Oedd y stori'n un gyffrous? Pam?
• Beth oedd orau gennych chi am y stori? Pam?

Mae arddull yr awdur hefyd yn elfen bwysig i'w thrafod, er enghraifft:

• Ferfau
• Adferfau
• Ansoddeiriau
• Cymariaethau
• Idiomau...

...ac ati.

Tra'n trafod barddoniaeth, mae'n bwysig trafod sut fath o gerdd ydy hi, er enghraifft:

• Cerdd rydd
• Cerdd ag odl iddi
• Cerdd yn disgrifio person
• Cerdd yn sôn am ddigwyddiad arbennig
• Cerdd am Gymru
• Cerdd natur

Mae'n bwysig defnyddio iaith addas ar gyfer trafod barddoniaeth hefyd, er enghraifft:

• Penillion
• Sillafoedd
• Odl
• Cyflythrennu
• Cymariaethau
• Trosiadau
• Rhythm

Cofiwch gyfeirio at y termau pwysig hyn tra'n trafod cynnwys y farddoniaeth! Mae cyfeirio'n benodol at y farddoniaeth yn bwysig hefyd!

Cofiwch mai awdur sy'n ysgrifennu storïau a bardd sy'n ysgrifennu barddoniaeth! Pob lwc gyda'r trafod!