Mae defnyddio iaith dda er mwyn trafod yn bwysig iawn. Rydyn ni'n defnyddio iaith swyddogol er mwyn bod yn benodol ynglŷn â beth sydd gennym ni i'w ddweud. Dyma enghreifftiau o ddechrau brawddegau addas y gallwch chi eu defnyddio tra'n cynnal trafodaeth:

• Yn fy marn i...
• Rydw i'n cytuno â...
• Dydw i ddim yn cytuno â...
• Y cwestiwn yw...
• A dweud y gwir...
• Mae lle i gredu
• Mae pawb yn gwybod bod...
• Pe bawn i'n y sefyllfa yna, fe fyddwn i...
• O ganlyniad...
• Pe byddai ... wedi...
• Credaf fod...
• Mae gwir angen...
• Ar un llaw...
• ar y llaw arall...
• Mae'n gas gen i...
• Heb amheuaeth...
• Mae'n rhaid sylweddoli...

Gallwch chi ddefnyddio ymadroddion hefyd er mwyn datblygu eich trafodaeth ymhellach. Dyma rai enghreifftiau i chi:

• Heb os nag oni bai...
• Heb flewyn ar dafod...
• Yn bendant...

Weithiau, rydyn ni angen defnyddio brawddegau negyddol, hynny yw, dweud nad ydych chi'n cytuno gyda rhyw farn neu safbwynt penodol.

Dyma rai enghreifftiau i chi:

Defnyddio'ch llais

Mae'n bwysig amrywio tôn a goslef y llais pan rydych chi'n cyfrannu i drafodaeth. Dydych chi ddim am i bawb fynd i gysgu pan rydych chi'n siarad! Defnyddiwch lais pendant a dywedwch beth sydd gennych chi i'w ddweud yn gadarn! Mae defnyddio'ch wyneb i greu ystyr yn help pan rydych chi'n cyflawni hyn!