CA2 Creu Llythyr - Iaith llythyr ffurfiol
Mae'n bwysig eich bod yn defnyddio person cyntaf i sôn am eich hunain bob tro:
Rydw i...
Nid yw'n syniad da i ddefnyddio ffurfiau anffurfiol,
er enghraifft:
Dw i... Rwy'n...
Yn yr un modd, rydych chi'n defnyddio'r ail berson yn ffurfiol hefyd.
Rydych chi...
Cofiwch
Mae iaith llythyrau ffurfiol yn iaith gywir a ffurfiol bob tro.
Mae angen defnyddio dechrau brawddegau cywir bob tro,
er enghraifft:
Maen nhw
Roedden ni
Doeddwn i ddim
Cofiwch...
... amrywio'r brawddegau er mwyn gwneud y llythyr yn fwy diddorol i'w ddarllen.
Termau da i'w defnyddio
Yn ogystal â ...
Fodd bynnag...
Serch hynny...
Llythyr i gwyno
Pan ydych chi'n ysgrifennu llythyr i gwyno am rywbeth penodol, mae'n bwysig eich bod yn cyfleu hynny mewn ffordd ffurfiol. Dyma rai enghreifftiau y gallwch eu defnyddio.
yn teimlo'n ddig... wedi cael fy siomi... wedi cael fy nghythruddo... wedi codi fy ngwrychyn... yn wallgo... yn wyllt gacwn... yn teimlo'n siomedig... yn ddig iawn...
Dewiswch bedwar o'r rhestr uchod a chwblhewch y brawddegau. Darllenwch nhw i weddill y dosbarth! Fydden nhw'n addas i ysgrifennu llythyr personol? Pam?
Darllenwch y brawddegau cyntaf yma, yna gweithiwch mewn grŵp i ddyfalu pa fath o lythyr sy'n cael ei hysgrifennu, at bwy mae'n mynd a beth yw ei bwrpas:
* Rwy'n ysgrifennu atoch ynglŷn â'ch bwriad i...
* Newyddion da sy gen i i ti heddiw! Neithiwr...
* Rhaid i mi ymddiheuro i chi...
* Yn dilyn gweld eich hysbyseb yn y papur...
* Gobeithio nad ydych yn fy ngweld yn ddigywilydd...
Yna dewiswch un o'r brawddegau a gweithiwch mewn pâr i ysgrifennu weddill y llythyr.
