Neges ysgrifenedig gan un person at un arall yw llythyr.

Ers talwm

Doedd hi ddim mor hawdd cadw mewn cysylltiad ers talwm. Sut oedd pobl yn cadw mewn cysylltiad?

• Mynd â negeseuon ar droed neu ar gefn ceffyl.
• Telegram - byr iawn - talu yn ôl y gair.
• Y system bost yn datblygu yn sgîl poblogrwydd anfon llythyrau.

Yr oes dechnegol

Mae sawl ffordd wahanol o gadw mewn cysylltiad erbyn heddiw gan fod yr oes dechnegol wedi datblygu a newid pethau! Sut tybed?

• Peiriant ffacs - trosglwyddo gwybodaeth o un man i'r llall yn rhwydd o fewn ychydig eiliadau.
• E-bost - nid oes angen i chi symud o'r tŷ - dim ond gwasgu botwm ar y cyfrifiadur!
• Ffôn.
• Ffôn symudol - siarad ac ysgrifennu negeseuon testun. Nodyn-bodyn yw'r enw ar y dasg hon!

Pam ein bod yn ysgrifennu llythyrau?

Mae'n ffordd dda o rannu gwybodaeth bwysig! Mae hyn yn cynnwys achlysuron hapus e.e. genedigaeth baban, llwyddiant arholiad neu achlysuron sy'n peri tristwch fel damwain neu farwolaeth er enghraifft.

• Mae'n debyg i chi i gyd ysgrifennu llythyr at Siôn Corn ryw dro neu gilydd a'i bostio i Begwn y Gogledd!
• Mae'n ffordd bwysig o fynegi barn am ddigwyddiad neu i gyfleu safbwynt cryf ynglŷn â rhywbeth.

Yr hyn sy'n bwysig i ni ei gofio yw pwysigrwydd dewis y ffordd fwyaf defnyddiol ac addas o gyfathrebu a chadw mewn cysylltiad i ni ar y pryd!