CA2 Creu Cerdd - Hyd llinellau
Mae hyd llinellau'n bwysig mewn cerddi.
Mae'r bardd yn gorfod cyfri sawl sillaf sydd ym mhob llinell er mwyn cadw at y patrwm hwnnw.
Ydych chi'n cofio beth yw sillaf (unigol) neu sillafau (lluosog)?
Y nifer o synau mewn gair yw sillaf. Fe allwn ni glapio sillafau i'n helpu ni.
Dywedwch a chlapiwch y geiriau canlynol:
Môr - 1 sillaf
Cath - 1 sillaf
Mynydd - 2 sillaf
Cadair - 2 sillaf
Gwasanaeth - 3 sillaf
Awyren - 3 sillaf
Bythgofiadwy - 4 sillaf
Cyfrifiadur - 4 sillaf
Efallai ei bod o gymorth i chi i feddwl am sillafau fel grisiau, er enghraifft:
Dyma hwiangerdd sy'n gyfarwydd i chi! Darllenwch y pennill ac ewch ati i gyfri'r sillafau sydd ym mhob llinell.
Dau gi bach yn mynd i'r coed,Esgid newydd ar bob troed
Dau gi bach yn dwad adre'
Wedi colli un o'u sgidie.
