O'r Bala i Barcelona - Bob George
Wythnos yma, y grwp Bob George aeth i'r stiwdio i recordio sesiwn yn arbennig i C2. Na, nid seren bop o'r wythdegau, ond grwp unigryw o ardal y Bala ydy Bob George ac ar nos Fercher, Chwefror 12, fe ddarlledodd Huw Stephens tair cân newydd sbon gan y grwp ar C2 ar Radio Cymru.

Dilwyn Llwyd ydy prif leisydd y band, o'r Bala yn wreiddiol ond erbyn hyn yn dysgu celf ger Barcelona yn Catalonia. Fe ffurfiodd y band 4 blynedd yn ôl gan recordio sesiwn i raglen Gang Bangor ar Radio Cymru ond heb ryddhau unrhyw beth ers hynny.

Daeth Dilwyn yn ôl i Gymru i recordio'r sesiwn gyda Dyl Mei, cynhyrchydd y flwyddyn yn Gwobrau RAP eleni. Mae'r sesiwn yn ddatblygiad pendant yn swn y grwp a fel esboniodd Dilwyn i Huw, "Mae'n grêt - mae o'n reit fyw. Dwi'n meddwl ddaru ni dreulio ychydig mwy o amser ar 'Cerith' a 'Pwyso', ond ddaru 'Cwsg' dros allan yn neis yn syth."

Ar hyn o bryd mae o'n gweithio gyda Georg Holm, basydd y grwp Sigur Ros o Wlad yr Iâ, a mae Dilwyn yn gobeithio dod nôl i Gymru i ryddhau albym newydd yn yr haf. O'r Bala i Barcelona - cerddoriaeth ryngwladol gan Bob George, dim ond ar C2. Cliciwch ar y caneuon ar dop y dudalen i glywed y sesiwn yn llawn.

Sesiynau i ddod ar C2
Bob yn ail nos Fercher ar C2 ar Radio Cymru mae Huw Stephens yn darlledu sesiwn newydd rhwng 10pm a 11pm, a dros y misoedd nesaf, mi fyddwn ni'n darlledu sesiynau gan Mim Twm Llai, Jakokoyak, Gogz, Quidest, Fenks, Gilespi, Winabago, Eryr, Bechdan Jam, Hypokrit, Bydd y Byddariaid yn Clywed, Mehefin yr Gyntaf a llawer mwy.

Os ydach chi mewn grwp ac yn awyddus i recordio sesiwn i C2, anfonwch dâp/CD demo at:

C2
Radio Cymru
Ystafell 2001
BBC Cymru
Llandaf
Caerdydd CF5 2YQ

neu ebostiwch [email protected]i gael mwy o wybodaeth.