Gwneud fawr ddim byd dydd Sul, treulio rhanfwyaf y diwrnod yn y pwll nofio efo fy ffrind Keira, diwrnod eithaf tawel gan fod yna wythnos galed o ymarfer o fy mlaen!

Diwrnod llawn arall dydd Llun. Treulio'r bore yn ymarfer gyda fy 'personal trainer' cyn i griw Uned 5 ddod draw i ffilmio eitem arnai yn ymarfer ar gyfer y marathon. Ymarfer badminton wedyn gyda'r nos - a gwely cynnar gan fy mod i wedi blino!

Dydd Mercher mi oedd Daf Du a fi ar Wedi 7 - unwaith eto yn trafod y marathon. Dyna i gyd dwi'n neud wythnos yma, dwi'n byw a cysgu y marathon yma! Nath Daf a fi gael bet ar Wedi 7 - bet o 50 ceiniog i bwy bynnag sy'n ennill. Dwi'n ama y bydd Daf yn fy nghuro i gan ei fod o wedi bod yn ymarfer am dros 6 mis a fi ond wedi bod yn rhedeg ers tua mis!

Nôl i Blaenau Ffestiniog dydd Iau i ffilmio ar gyfer y rhaglen ddogfen amdanaf i a Imogen fydd ar S4C ddiwedd mis Mai. Mi wnaethon nhw ffilmio fi a fy ffrind ysgol David yn yfed cans tu allan i'r ty, a hefyd ffilmio fi a Mam yn bod yn wirion! Es i ar criw ffilmio draw i'r ganolfan chwaraeon i ddangos lle o ni'n arfer gweithio pan oeddwn ni yn yr ysgol. Nathon nhw ofyn i fi redeg ar hyd ochr y pwll fatha David Hasselhoff!!

Pam pam pam fod yr A470 mor hir a phell? Mae teithio o'r gogledd i'r de yn cymeryd drwy'r dydd! A dyna'i gyd wnes i dydd Iau oedd eistedd yn y car rhwng Blaenau a Chaerdydd, a'r peth mwyaf exciting wnes i oedd stopio am chips yn Builth!

Syth ar ôl rhaglen heddiw dwi off i Lundain - marathon yfory - a dwi heb redeg dim ers dydd Mawrth - Oh No!! Tan tro nesaf! (os fyddai dal yma!)
Hwyl
Glyn
x

Wedi penderfynu rhywbeth heddi. Bydde bywyd yn well tase'r penwythnos yn rhedeg o ddydd Llun i ddydd Gwener, a'r wythnos waith yn dechre ar ddydd Sadwrn a gorffen ar ddydd Sul. Fi'n lyfo penwythnosau. Ma' nhw'n fab. Cymrwch penwythnos dwetha' er enghraifft...

Codi'n fore gyda Alun. Fi'n fforsio fe i neud paned o goffi i fi tra bo fi'n paratoi i fynd i gwaith. Cyn i fi droi rownd, Siân a Glyn yn canu corn tu fas. Siwrne byr i gwaith yn hedfan wrth i Glyn adrodd ei hanesion difyr am personal trainers a merched del.

Rhaglen yn dechre 11.30. Awr o hwyl pur tra a Siân yn trio cadw trefn arnon ni. Syth ar ôl rhaglen, mam, Beth fy chwaer a Ella fy nith yn aros amdanai tu fas. Ma'r haul yn danboeth a'r awyr yn las fel lapizlazuli. Yr unig broblem sy gan y pedar ohono ni yw "Ble ewn ni?"

Ni'n penderfynu mynd i Barc y Rhath i gael picinic. Gethon ni gaws a bara ffresh a mefys a champagne tra'n chwerthin a sgwrsio a gwylio'r byd yn mynd heibio. Nethon ni fwydo'r hwyaid a mynd ar gwch pedlo bach dros y llyn.

Gyda'r nos - nes i eistedd o flaen y teli yn gwylio "Any Dream Will Do" - heb amheuaeth y rhaglen deledu orau erioed. Jondeep heb sideboards. Y boi yna gyda masifdannedd. Daniel yr hunc. Y builder hyll yna. Yr Arglwydd Lloyd Webber (sy, mae'n debyg, â donger masif...). Aros mewn yw'r mynd mas newydd dontcha know.

Dydd Sul dath yr anhygoel Dafydd James draw i wylio Cwpwrdd Dillad gyda fi ac Emma. Roedd un o'n mates gore ni, Lydia ar y rhaglen. Roedd hi'n edrych yn anhygoel ac o ni gyd mor browd ohoni. I ddathlu ei fabulousness, ethon ni lawr y bae (f'ail gartre) i gael cinio Sul. Dath Derfel Williams (sy hefyd wedi bod ar Cwpwrdd Dillad!) ac Iwan Davies (un o adloygwyr ffilm C2!) draw hefyd a nethon ni dreulio'r pnanwn yn sgwrsio, bwyta, yfed, chwerthin, darllen papurau sul a slagio Abi Tittmus off. Perffaith.

Daeth bore dydd Llun, lawer rhy gyflym. Mewn byd delfrydol, fydde'r penwythnos wedi para am byth. Dwi'n mynd i sefyll fel ymgeisydd yn yr Etholiad Cyffredinol nesa'. Fy mhlaid fydd Plaid Penwythnosau yn Rocio. Croeso i chi ymuno yn yr ymgyrch... anfonwch siec i'r cyferiad arferol!

Magi
x

Mynd yn ôl i brif dudalen wythnos Glyn Wise