Doedd yr un ohono ni ar ein gorau dydd Sul. Ar ôl i fy chwaer a'i chariad fynd adre, es i draw i 'Erddi Sophia i wylio'r badminton. diwrnod diog iawn ar y cyfan.

Nos Lun mi o ni'n gwneud 'public apperance' yn Jumpin' Jaks yng Nghaerdydd. Mi dda'th fy 'tour manager' i nôl fi a mynd a fi draw. Nath Siân, Mair a Ian o dim C2 ddod draw 'fyd i weld y sioe. O'ni wedi rhoi eu henwau nhw ar y drws, so bo ddim rhaid iddyn nhw dalu. Es i ymlaen i'r llwyfan am hanner nos, a dawnsio i thema Baywatch. Fel rhan o'r sioe dwi'n tynnu fy nghrys a fy melt -a dim arall! Wedyn dwi'n canu'r egg song, cyn mynd ati i chwarae gems. Fy hoff gem i ydi pasio'r 'ice cube' o geg i geg. Dwi'n gorfod dewis 5 merch o'r gynulleidfa i ddod i'r llwyfan i chwarae'r gem! Gem yr hogia ydi gorfod yfed burger, chips a coke wedi cael ei flendio (tebyg iawn i beth ges i yn y ty, ond cig oen a pavlova oedd hwnnw!)
Bues i'n 'meetio a greetio' am awr a hanner. Ma hyn yn golygu cael tynnu fy llun sawl gwaith a cusanu lot o ferched! Nes i gyrraedd adre tua 2.30am, noson dda iawn!

Dydd Mawrth ydi diwrnod 'Welsh in a Week'. Ar hyn o bryd mae'n rhaid i fi gadw'n gyfrinach pwy dwi'n ei ddysgu i siarad Cymraeg, ond fydd ddim rhaid i chi aros yn hir, achos mi fydd y rhaglen ymlaen ar Fawrth 1af. Ges i hwyl heddiw, roedd yn rhaid i fi ddysgu'r actores sut i ganu 'sosban fach'!.
Noson dawel i fi wedyn, setlo fy hun lawr ar y soffa am y noson i wylio Big Brother.

Bore dydd Mercher mi oeddwn i yn yr orsaf drenau yn holi pobl pwy oedden nhw'n meddwl fasa'n cael eu evictio o'r ty dydd Gwener. Mi oeddan ni di gorffen ffilmio erbyn amser cinio, felly oedd gennai ddigon o amser i baratoi ar gyfer y parti yn y fflat noson honno. Gan fod ryw gem beldroed ymlaen ar nos Fercher, doedd C2 ddim yn dechra' tan 10 felly doedd gennai ddim rhaglen. Mi ddath criw C2 draw i gael bwyd a hefyd fy ffrindiau badminton. Oedd rhaid i fi dynnu llun y buffet o ni wedi ei wneud er mwyn ei ddangos i Mam, fasa hi byth yn credu bo fi'n gallu paratoi y ffasiwn beth! Mi o 'ni di prynu'r gem bobbit yn dre, a mae o'n 'mega cool' gafon ni hwyl yn chwarae efo fo, mi oedd pawb yn eitha' da arwahan i Magi oedd yn rubbish a ddim yn trio!! A'th hi'n noson hwyr, oedd hi'n tynnu at 3 o'r gloch ar bawb yn gadael!

O ni'n gorfod mynd i stiwdio C2 p'nawn dydd Iau i recordio rhywbeth ar gyfer rhaglen dydd Sadwrn. Gan bo fi'n rhedeg marathon Llundain efo Daf Du mis Ebrill, o ni'n meddwl y basa fo'n syniad da cerdded o'r bae i'r BBC er mwyn cadw'n ffit! Dydd Iau oedd y tywydd yn afiach, glaw a gwynt a cenllysg! Cymerodd hi dros awr i fi, a mi oeddwn ni'n socian yn cyrraedd y BBC. Nos Iau wedyn mi ddath un o fy ffrindiau coleg i draw i aros, ac a'th hi'n noson hwyr eto!

Gan fod y tywydd dal yn afiach dydd Gwener nes i benderfynu mynd ar un o'r teithiau yna o amgylch castell Caerdydd. A nes i fwynhau!! Yn y p'nawn es i chwarae badminton. Mi oedd rhaid i fi chwarae yn erbyn hogyn 12 oed gan fod pawb arall yn y dosbarth llawer iawn gwell na fi! Noson o flaen y teledu i fi wedyn a gwylio Big Brother. Ar ôl gwylio Ugly Betty es i fy ngwely a gwrando ar Steve a Terwyn ar C2.

Bore 'ma nes i gerdded draw i dy Siân (cynhyrchydd C2) a mynd a platiau yn ôl iddi (o'n ni di gael benthyg platiau ganddi ar gyfer y parti nos fercher). Diwrnod prysur o fy mlaen i heddiw, ar ôl y rhaglen gorfod ffilmio ar gyfer CBBLB ac yna draw i Gastell Newydd Emlyn ar gyfer fy 'public apperance' olaf! Reit tan wythnos nesaf..... Hwyl
Glyn
x

Ar ôl cwyno fy ffordd drwy f'egofnod dwetha - fyddwch chi'n falch o glywed bo fi'n teimlo lots gwell yr wythnos ma.

I ddatlhu'r ffaith bo fi'n teimlo'n well nes i a fy nghariad, Alun, fynd i weld White Noise 2- The Light. Ma fe'n eitha spooky achos ma'n ffilm am bobol sy bron a marw ond wedyn yn dod nol i fywyd - ac ma nhw'n dod ag ysbrydion nol gyda nhw. Ma Alun ofn ffilmiau arwsyd felly odd rhaid i fi ddal ei law drwy'r holl ffilm. Nes i a Alun fynd i weld Snakes on a Plane yn y sinema ychydig fisoedd yn ôl, a wir i Dduw, nath y dyn o'n blaenau ni fynd i'r ty bach yn ei drowsus. A nid number one chwaith. Number two. Plops. Yn ei drowsus. A ma hynny'n stori hollol wir.

Nos Fercher - Glyn oedd yr hostess with the mostess. Ethon ni draw i'w fflat i gael soiree anffurfiol. Ma'r fflat yn lyfli a nath Glyn neud bwffe blasus i ni gyd. Daeth Joy, cymdoges Americanaidd Glyn, lan i ymuno yn y parti. Roedd Glyn a Robin C2 yn hapus iawn i'w gweld achos roedd hi'n edrych fel Pamela Anderson gyda ffrog ddu dynn arno. O fi'n teimlo fel fat-bap wrth ei hymyl. Roedd hi moooor gorgeous. Falle dyna nath beri i fi golli bob gêm o bobbit.

Nos Iau - es i a fy ffrindiau Emma a Lydia mas i gael swper. Sdim byd gwell na chael noson 'da'r merched. Gossip a gwin oedd canolbwynt y noson felly erbyn bore dydd Gwener, o fi'n teimlo chydig bach yn dodjy. Doedd hynny ddim yn beth da - na chwaith yn beth proffesiynol - achos roeddwn ni'n westai ar Wedi 3 y pnawn hwnnw!

Ar ôl newid 64 o weithiau, penderfynais wisgo ffrog goch i fynd ar y teli-bocs. Dwi erioed di bod ar y teledu felly o fi'n nerfys iawn, ond roedd John Hardy ac Elinor Jones yn lyfli ac aeth pethe'n ok. Allai hefyd ddiolch i'r ddynes golur. Roedd ganddi job a hanner cuddio olion y noson flaenorol - ond ar ôl tunnell o poly-filler roeddwn i'n barod i wynebu'r genedl...

Yn syth ar ôl rhaglen C2 ddydd Sadwrn gyda Glyn, nes i nedio ar y tren i Lundain i ddathlu pen-blwydd un o fy ffridnie gore Sara. Nethon ni fynd i Cafe de Paris i gael swper a wedyn ymlwybro draw ir clwb nos i gael dawns. Nath fy ffrindiau Louise ac Alex fynd i'r bar a gofyn am 5 G'n'T. Daeth y ddwy nol yn wyn fel y galchen. Gostiodd y diodydd £50 iddyn nhw. Am 5 diod! Ellwch chi brynu diod i bawb yn y dafarn am y pris yna yn Angharads yn Ponty! Ond roedd hi'n noson a hanner a phawb 'di mwynhau. Pen-blwydd Hapus iawn i ti Sar! Ymlaen at y dathliad nesa - fy mhenblwydd i ym mis Mawrth.... 25 o'r diwedd!..... Magi
xxx

Mynd yn ôl i brif dudalen wythnos Glyn Wise