Yn un o'r bandiau mwya' prysur welodd Cymru erioed, doedd hi ddim yn syndod o gwbl pan laniodd sengl newydd Melys ar ddesgiau C2, blwyddyn ers rhyddhau'r albym Casting Pearls ac ychydig fisoedd ers i'r band ddod nôl o showcase cerddorol mwyaf America - South by South West.

Ac o gofio bod dau o aelodau'r band, Andrea a Paul, yn rhedeg label Recordiau Sylem ym Metws-y-Coed ac yn rhedeg bwyty yng Nghonwy, y syndod mwya' ydy bod Melys yn boboli o gwbl! Ond bydd y ffans ddim yn cwyno gan fod y CD yn cynnwys 3 trac newydd sbon sydd yn llawn o synau'r haf - Eyeliner, Disgyn, I Can't Stop This (Even if I Wanted to).

Gafodd hi ei rhyddhau ar Mai 31 ar label Recordiau Sylem, ac mae 'na lot o ddiddordeb wedi bod yn y band yn ddiweddar yng Nghymru a thu hwnt. Ond beth oedd barn adolygwyr yr wythnos am y CD newydd? Hefin Thomas, prif leisydd Mattoidz, a Rachel Phillips o Glwb Ifor Bach yng Nghaerdydd daeth i stiwdios C2 at Huw Stephens ar Fehefin 24ain.

Gwrandewch ar adolygiad o Eyeliner

Cliciwch yma am y diweddaraf am y band Melys