Nos Fercher y 4ydd o Chwefror, nath Huw Stephens estyn croeso i stiwdio C2 i Rhodri Morgan, prif leisydd Cerrig Melys, a Curig Huws, y gwr sy'n rhoi y Lo Cut yn Lo Cut a Sleifar. Nath Huw ofyn am eu barn ar y CD Yn Cyflwyno Blaentroedar gan MC Saizmundo.

Fel rocker go iawn, cyfaddefodd Rhodri, nad oedd yn rhy gyafrwydd â'r sîn hip hop,
"Nid fi yw'r arbenigwr penna ar hip hop, ond y teimlad cynta ges i oedd bod yr albym yn undonog iawn. Nawr, dwi ddim yn gwbod pam nes i deimlo ei fod mor undonog, gan fod yma gymysgedd o arddullie cerddorol ac o byncie, ma na ffieidd-dra, hiwmor, ma na rhai caneuon reit deimladwy hefyd - ond doedd dim y killer cytgan yna. Yr hooks sy'n rhoi amrywiaeth i'r caneuon."

Doedd Curig, sy'n real hip-hopper, ddim yn cytuno,
"Fi'n angytuno gyda Rhodri - sai'n gweld yr albym yn undonog o gwbwl. Nes i rili fwynhau e. Fi'n meddwl bo hip hop yn gweithio ar lefel lle ti'n gwrando i ddechre ar y beats a wedyn y miwsic, ond yma hefyd ma 'na ddyfnder masif. Fi di gwrando ar yr albym 6 neu 7 gwaith nawr, ond fi'n teimlo bo fi ond wedi crafu'r wyneb."

Cytunodd Rhodri, fod gan Saizmundo ddigon i'w ddweud,
"Mae'n hynod o ddifyr yn yr ystyr ei fod yn herio'r gwrandawyr. Mae'n foi blin iawn. Mae'n cymryd lein lled-eithafol, Cymuned, math o beth o ran materion ieithyddol, a wedyn y funud nesa mae'n gwneud hwyl am ben ffermwyr cefn gwlad - a'r honiad eu bod nhw'n cam-ymddwyn gyda'u defaid!

Dyl Mei o Pep Le Pew gynhyrchodd yr albym - rhywbeth blesiodd Curig,
"Ma Dyl Mei di neud job gret o gynhyrchu'r albym. Mae di cyfuno rhyw fath o Eminem production a Dave R. Edwards gyda bach mwy o rhythm. Ma' Dyl a Saizmundo yn gweddu'n dda - ma Dyl di deall be sy' angen ar Saizmundo. Fi'n cytuno falle bo angen mwy o poppy choruses, ond fi ddim yn meddwl bo nhw di trio neud hwna.

Mae MC Saizmuno yn Cyflwyno Blaen Troedar ar gyfer yn eich siopau nawr ar label Dockrad.

Marciau allan o 10:
Rhodri: 8/10
Curig: 8.5/10 - Troed blinder!