Mae Frizbee wedi glanio!
Chwe mis yn ôl, ychydig iawn o son oedd am y band Frizbee, ond erbyn heddiw mae hi bron yn amhosib i droi'r radio ymlaen heb glywed y band! Mae pawb yn siarad am Frizbee - un o'r bandiau mwyaf addawol ers i Meilyr Gwynedd o'r Big Leaves bigo fyny'r gitâr a strymio'r Tannau Dur!

Gyda llond trol o ganeuon cofiadwy a phrif leisydd sy'n llawn charisma, mae pethau'n edrych yn arbennig o dda i'r band o Flaenau wrth iddyn nhw ryddhau eu halbym cyntaf - Hirnos. A bydd tair o ganeuon yr albym yn gyfarwydd iawn i wrandawyr Radio Cymru, oherwydd fel Sesiwn C2 gafodd Dora Gusan, Ti (Si Hei Lw), ac Ar ôl 9 eu recordio'n wreiddiol. Cliciwch yma i glywed y sesiwn yn llawn.

Gafodd y CD ei rhyddhau ar Orffennaf 1af ar label newydd y band, Recordiau Côsh, ond beth oedd barn adolygwyr yr wythnos am yr albym? Hefin Thomas, prif leisydd Mattoidz, a Rachel Phillips o Glwb Ifor Bach yng Nghaerdydd daeth i stiwdios C2 at Huw Stephens ar Fehefin 24ain. Ond oedden nhw eisiau treulio "hirnos" yn gwrando arni, neu a fydde well ganddyn nhw daflu Frizbee i ffwrdd?

Gwrandewch ar adolygiad o Hirnos

Bydd y band yn chwarae mewn llwythi o gigs dros yr haf, gan gynnwys rhannu llwyfan gyda Anweledig yn Maes B yn Steddfod Casnewydd ar nos Fercher, Awst 4ydd. Cliciwch yma i weld rhestr llawn o gigs Cymru.