Anubis Band roc trwm o ardal Dyffryn Nantlle yw Anubis sydd yn symud o nerth i nerth yn y SRG. Roedd eu set yn un bwerus gyda phob aelod o'r band yn hyderus yn eu maes cerddorol, gyda synau gitar wedi'w chymysgu a'r defnydd o 'sctraching' ar y droell-byrddau. Roedd swn proffesiynnol iawn i'r set gyda chaneuon megis 'Troi a mynd yn ôl' ac 'Amen' yn sefyll allan. Perfformiad llawn hyder a cherddoriaeth trwm iawn.

The Poppies Roedd llawer o'r gynulleidfa yn ysu i weld y Poppies ac ni chawsant eu siomi! Roedd y brif theatr yn llawn yn ystod eu set gyda phawb yn dawnsio ac yn mwynhau eu caneuon. Roedd eu set yn cynnwys y traciau oddi ar eu sengl Dau Bys a rhai traciau newydd, ond can orau y set oedd yr hynod anthemig Sex Sells! Roedd y band yn amlwg mwynhau eu hunain ar y llwyfan ac roedd y gynulleidfa wrth eu bodd gyda'r band, yn enwedig y merchaid ddaru neidio ar y cyfle i gael cwrdd, sgwrsio a chael llofnod y band - roc a rol iawn! Band gwych, set gwych, pawb wedi eu mwynhau!

Kentucky AFC Roedd gan y Kentucky's lot o waith i guro perfformiad y Poppies. Roedd eu set yn dda a'r band yn chwarae'n dda, gan chwarae yr holl ganeuon sydd erbyn hyn yn adnabyddus i bawb, 'Unarddeg' oedd uchafbwynt eu set ac roedd yr holl draciau yn cael eu berfformio o safon uchel. Un peth oedd yn amlwg yn set Kentucky oedd bod yna lai o bobl yn y Theatr erbyn hyn, ac felly nid oedd yna gymaint o gynnwrf ymysg y gynulleidfa, ond roedd eu set yn wych ac yn cloi noson o gerddoriaeth gwych ar nodyn roc a rol!

Uchafbwynt y noson?
Bod yna gymaint o bobl ifanc yno i fwynhau cerddoriaeth cymraeg ac eu bod wedi mwynhau cymdeithasu yno; da yw gweld bod gan y Sin Roc Gymraeg gymaint o ddilyniant. Roedd yr holl ddawnsio, cerddoriaeth ac yfed yn creu noson perffaith i bawb ac roedd gweld pedair band gwych mewn un lle yn uchafbwynt i bawb.

Beth sy'n aros yn y cof?
Y noson i gyd, gymaint o gerddoriaeth cymraeg gwych mewn un noson!

Y peth gwaethaf am y noson?
Prisiau bar y Galeri chydig yn ddrud ond roedd pawb yn barod i wario, fel arall doedd na dim drwg am y noson.

Achlysur roc a rôl?
Sex Sells gan the Poppies a'r gynulleidfa yn canu y rhan "waaaa-ha-haaaaow-waaaaaraaaaa wwwow"! (2:06 fewn i'r gan, y rhan yna!) Pawb yn mwynhau y gan - ardderchog!

Talent gorau'r noson?
The Poppies! Does na dim byd drwg am y band yma, hollol gwych.

Marciau allan o ddeg?
9/10

Un gair i ddisgrifio'r gig?
Hyfryd.

Unrhyw sylwadau eraill?
Ewch i weld yr holl bandiau yma, mae nhw gyd yn dda ac yn werth eu gweld yn fyw. Mae'r Galeri yn leoliad da am gig's, heblaw doedd na unman i cadw jackets yno! Noson wych o gerddoriaeth am bris isel, diolch pobl hyfryd y Galeri!

Lincs Gwefan
www.derwyddon.piczo.com
www.anubisband.tk
www.geocities.com/poppiespoppiespoppies
www.kentuckyafc.com
www.galericaernarfon.com

Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.