|  |
 |  |  |  Mattoidz, Cowbois...
Clwb Ifor, Medi 06
Sian Alwen
Lle a phryd?
Clwb Ifor Bach, Caerdydd, Medi 28, 2006
Y bandiau?
Cowbois Rhos Botwnnog, Tangwystl a Mattoidz
Enw'r adolygydd?
Sian Alwen, Llangernyw.
Awyrgylch?
Dechreuodd y noson bron i awr yn hwyr gyda'r lle yn weddol wag i gychwyn. Ond roedd digon o gefnogwyr i bob band oedd yn bywiogi'r noson. Erbyn diwedd y noson roedd y lle'n llawn gyda pobl wedi cael digon i yfed ac yn barod i ddawnsio i Mattoidz oedd yn gwneud yr awyrylch yn hwyliog a chefnogol.
Trac y noson?
'Sos Coch'-Mattoidz. Mae'r gan yma wedi tyfu i fod yn dipyn o anthem ac unwaith i Rhys James gychwyn chwarae'r gitar aeth pawb at y ffrynt i ddawnsio. Mae'r geiriau yn weddol hawdd i'w cofio felly da oedd gweld y gynulleidfa yn canu i'r gân hefyd.
Disgrifiwch y perfformiadau.
Cowbois Rhos Botwnnog - I feddwl fod y band yma yn weddol newydd roeddent yn edrych yn brofesiynnol iawn ar y llwyfan. Roedd eu caneuon yn amrywiol ac ysgafn ac yn hawdd i wrando arnynt. Roedd yr darn offerynnol ar ddiwedd y set wedi gadael argraff ar y gynulleidfa ac hefyd wnaeth yr unawd drwm fywiogi'r gynulleidfa. Roedd yn amlwg fod ganddynt gefnogaeth dda gyda llawer o ferched wedi gwisgo fyny fel cowbois ac yn dawnsio yn y blaen ac yn canu'r geiriau i gyd. Tangwystl - Roedd yn amlwg fod yna ambel i ffan Tanwystl yna gyda 3 person yn enwedig yn dawnsio drwy'r holl set yn egniol iawn! Mae pob amser yn dda gweld cello a saxophone yn cael ei chwarae gan fand a hynny'n effeithiol. Dyma fand mwyaf swnllyd y noson. 'Coffi Cymraeg' a 'Saith Pechod Marwol' oedd uchafbwyniau eu set gyda llawer o'r dorf yn gwybod y geiriau ac yn ymuno yn y dawnsio a'r neidio oedd yn mynd ymlaen gyda grwpis y band yn y blaen. Mattoidz - Roedd yn amlwg gweld pam roedd y band wedi ennill cystadleuaeth band y flwyddyn yn 2005. Roedd y ffrynt yn lawn o bobl yn neidio i fyny ag i lawr i'w cerddoriaeth hen a newydd. Wnaeth y gân - 'Edrych Yn Well o Bell' gael y gynulleida i gyd i ganu a roedd eu rhestr canu yn effeithiol gan eu bod yn cymysgu yr albwm neywdd a'r rhai cynt felly os nad oedd rhywyn wedi clywed yr albwm newydd doedd dim amser i fod yn ddiflas gan fod caneuon o'r hen ep's yn dilyn.
Uchafbwynt y noson?
Pawb yn neidio i fyny ag i lawr yn y blaen pan chwaraeodd Mattoidz 'Sos Coch.'
Beth sy'n aros yn y côf?
Unawd drwm Cowbois Rhos Botwnnog.
Gair am y gig?
Egniol.
Talent mwya'r noson?
Cowbois Rhos Botwnnog. Mwynhais pob un o'u caneuon. Roeddent yn fywiog ac yn fand cyffrous iawn.
Marciau allan o 10?
7 allan o 10. - Noson dda ar y cyfan - bechod nad oedd yna gymaint o dorf ar y dechrau a wnaeth yr awyrgylch braidd yn fflat ar gychwyn y noson.
Lincs Gwefan
www.mattoidz.com
www.myspace.com/cowboisrhosbotwnnog Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.
| |
|
Amserlen C2:
Cysylltiadau, artistiaid, bandiau...