Cowbois Rhos Botwnnog - Yn fy marn personol i, dyma un o'r bandiau byw gorau sydd i'w gael yng y Sin Roc Gymraeg ar y funud. Peth mawr i'w ddweud am fand eitha newydd, ond mae eu cerddoriaeth yn eich annog i sefyll fyny, gwrando a dawnsio. Gyda'u cerddoriaeth blwsaidd/gwerinol, a'u geiriau "quriky", maent yn sicr o lwyddo yng Nghymru unwaith wnaiff pobl gymeryd sylw maent yn eu llawn haeddu.

Di Pravinho - Band ifanc o Borthmadog a'r ardal, sydd yn chwarae cerddoriaeth ska, sydd newydd adio aelod i'w band, sef y sacsoffonydd. Yn anffodus i Di Pravinho, er fod nhw wedi bod yn mynd ers eitha' hir, does yna neb wirioneddol wedi cymeryd sylw ohonynt o ra rhyddhau cynnyrch. Sy'n eitha piti, gan fod ganddynt ganeuon eitha catchy, ac heno roeddynt yn gweddu yn dda gyda'r naws yr oedd CRB (Cowbois Rhos Botwnnog) wedi ei adael. Dwi'n hoff iawn o'r gân "Plentyn y Chwyldro".

Genod Droog - Band hollol newydd sydd wedi rhywsut darganfod eu hunain yn "headlinio" gigs ac yn siwr o fod yn chwarae ym mhobman dros yr haf, ac ar ôl perfformiad heno, maent yn llawn haeddu hynny. Maent yn fand byw anhygoel, ac er mor dda yr oedd y "soundcheck" yn swnio, pan aethynt ymlaen, ni oedd y P.A. methu eu handlo mor dda. Ond fe wnaethynt chwara set dda, er fod nhw wedi chwarae eu caneuon gorau tuag at cychwyn y set. Ro' ni yn y ffrynt yn gwrando yn eitha meddw a bodlon, pan wnes i ddigwydd troi rownd a sylwi fod yr ystafell yn wag bron. Dwnim pam, gan fod band byw gwych yn chwarae am ddim ond £2 ac roedd hon yn berfformiad da arall gan y band.

Uchafbwynt y noson?
Set Cowbois Rhos Botwnnog. Ma' nw jest yn wych.

Isafbwynt y noson?
Fod y dorf yn mynd o un bar i'r llall yn Ty Newydd. Problem annodd i'w atal.

Achlysur Roc a Rôl?
Percussion jam ar ddiwedd y gig. Tua 8 person rownd kit drymiau, gydag Ed Holden yn gwneud "beat boxing" anhygoel.

Beth sy'n aros yn y cof?
Goleadau a "smoke machine" Genod Droog.

Talent gorau'r noson?
Iwan Huws o Cowbois Rhos Botwnnog ai' sgiliau dawnsio anhygoel, a'u allu cyfansoddi.

Marciau allan o ddeg?
9/10

Un gair am y gig?
"Amezing!"

Unrhyw sylwadau eraill? Cynghorion? Rhybuddion?
Dim lot arall i'w ddweud heblaw am fod rhaid cymeradwyo Hefin Jones am drefnu yr holl gigs yn Nhy Newydd. Mae'n cynnal y Sin Roc Gymraeg ym Mhen Llyn.

Lincs gwefan
Gwefan Genod Droog
Gwefan Di Pravinho
Gwefan Cowbois Rhos Botwnnog

Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.