Y Bandiau?
Frizbee, Nathan Williams a'r Band, Rebownder

Enw'r Adolygydd
Esyllt Williams

Awyrgylch?
Bar gwaelod Clwb ar nos Iau gyda pawb yn eistedd ar soffas ac yn llochesu'n hapus yn y tywyllwch. I ddechrau, roedd pethau bach yn araf ond erbyn yr ail fand roedd y lle'n dechrau llenwi a mwy o ganmol a gweiddi rhwng y caneuon. Roedd y lle wedi ei lenwi y rhan fwyaf gyda myfyrwyr a phobl ifanc a roedd lot o floeddio wrth i Frizbee dedicato cân i'r "joscyns"!

Trac y Noson?
Bienvenue - Frizbee. Mi nath hon gael lot o ferched lan yn dawnsio ag yn canu.

Disgrifiwch y Perfformiadau?

Rebownder - Band o'n i heb weld o'r blaen. Eitha tebyg i nifer o pyb singers eraill a llais y canwr ychydig fel un Kelly o'r Stereophonics ar adegau. Ddim math fi o beth ond weithiau oedd e'n gweithio - weithiau ddim! Oeddan nhw'n edrych yn eitha nerfus a daeth hwnna drostodd yn y perfformiad.

Nathan Williams a'r Band - Yn ystod eu perfformiad, roedd na adegau gwych - fflachiau bach o'r "Magic Numbers" yn disgleirio trwyddo -ysbrydoledig! Melodïau da a llais Nathan yn felys i gyd. Ddim yn fand sy'n barod i headlino eto ond yn dda yn cefnogi. Yn bendant fe naethon nhw godi awyrgylch y lle. O'n i'n hoffi'r ffordd aethon nhw'n syth o un gân i'r nesaf ar adegau, fel gyda 'Deud Dim Byd' a 'Rwbath Amdani'. Bydde diddordeb da fi mewn gweld nhw eto yn sicr.

Frizbee - Perfformiad hyderus fel arfer. Naetho nhw eu holl 'hits' a roedd popeth yn eithaf slic. Serch hyn i gyd o'n i'n teimlo bod yr holl beth yn colli rhywfath o sparc, doedd dim byd o'i le ar y perfformiad, popeth mewn tiwn, y band yn mwynhau ei hun ond o'n i'n cael y teimlad bod y band ddim yn ymroddi'n llwyr i'r peth, taw noson arferol, heb yr angen iddyn nhw drio gormod, heb unrhywbeth arbennig iddyn nhw oedd e a naeth hwnna adael fi'n teimlo ychydig yn siomedig.

Beth sy'n Aros yn y Cof?
Merched yn dawnsio ac yn canu'r geiriau i gyd - anarferol mewn gigs Caerdydd!

Uchafbwynt y Noson?
Gweld Nathan Williams a'r Band am fod yna rhannau o'u set nhw naeth syfrdanu a sbarduno diddordeb.

Y Peth Gwaethaf am y Noson?
Dim byd wael iawn - jyst fel doedd na ddim byd arbennig iawn.

Achlysur Roc a Rol?
Dylan o Radio Luxembourg yn neidio ar y llwyfan a lluchio gitâr i ffwrdd gan weiddi... na dim rili! Dim byd roc a rôl.

Talent gorau'r noson?
Anodd gweud. Oedd e felse neb yn rhoi cant y cant i'r peth.

Un gair am y gig
Dawnsio

Marciau allan o ddeg?
6

Unrhyw sylwadau eraill? Cynghorion? Rhybuddion?


Lincs Gwefan?
www.friz-b.co.uk
Sesiwn C2 Frizbee
Rebownder
Clwb Ifor Bach

Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.